Apple كومپانيياسى 2026 قارجى جىلىنىڭ بٸرٸنشٸ توقسانىندا قارجىلىق كٶرسەتكٸشتەرٸن ايتارلىقتاي جاقسارتتى, دەپ حابارلايدى Dalanews.kz.
كومپانييانىڭ باسپاسٶز حابارلاماسىنا سەيكەس, 27 جەلتوقساندا اياقتالعان توقساندا Apple-دٸڭ تازا پايداسى $42,1 ملرد قۇراپ, بٸر جىل بۇرىنعى $36,3 ملرد سالىستىرعاندا ەدەۋٸر ارتقان. بٸر اكتسيياعا شاققانداعى تابىس 2,84 دوللارعا جەتتٸ, ال ٶتكەن جىلى بۇل كٶرسەتكٸش $2,4 بولعان.
توقساندىق كٸرٸس $143,8 ملرد دەيٸن ٶسٸپ, نارىق ساراپشىلارىنىڭ بولجامىنان اسىپ تٷستٸ. بۇعان دەيٸن اناليتيكتەر كومپانييانىڭ كٸرٸسٸ $138,5 ملرد دەڭگەيٸندە بولادى دەپ كٷتكەن.
Apple باسشىلىعى ەكٸنشٸ قارجىلىق توقساندا دا ٶسٸم ساقتالاتىنىن مەلٸمدەدٸ. كومپانييا كٸرٸستٸ 13–16% ارالىعىندا ارتتىرۋدى جوسپارلاپ وتىر. بۇل نارىقتاعى ورتاشا بولجامنان جوعارى.
ساراپشىلار Apple-دٸڭ قارجىلىق نەتيجەلەرٸن كومپانييا ٶنٸمدەرٸنە دەگەن تۇراقتى سۇرانىس پەن قىزمەت كٶرسەتۋ سەگمەنتٸنٸڭ كەڭەيۋٸمەن بايلانىستىرادى.
