Appeliatsiia soty Qazaqstannyń tuńǵysh prezidenti Nursultan Nazarbaevtyń burynǵy kelini Gúlmira Satybaldyǵa shyqqan úkimdi ózgerissiz qaldyrdy, dep habarlaidy Dalanews.kz.
Sot sheshimi boiynsha, oǵan 12 jyl bas bostandyǵynan aiyrý jazasy belgilengen.
Satybaldy Qylmystyq kodekstiń úsh baby boiynsha kináli dep tanyldy:
•126-bap – zańsyz bas bostandyǵynan aiyrý,
•194-bap – asa iri mólsherde bopsalaý,
•389-bap – ózinshe bilik etý.
Aita keteiik, buǵan deiin Almaty qalasynyń qylmystyq ister jónindegi mamandandyrylǵan aýdanaralyq sotynda Gúlmira Satybaldy men onyń kómekshisine qatysty sot úkimi shyqty.
Almaty qalasynyń qylmystyq ister jónindegi mamandandyrylǵan aýdanaralyq soty Gúlmira Satybaldyny 12 jylǵa bas bostandyǵynan aiyrý jazasyna taǵaiyndady, al kómekshisi Mádi Batyrshaevty 9 jyl bas bostandyǵynan aiyryldy.
Budan buryn bolǵan sot jaryssózinde Gúlmira Satybaldynyń kólik júrgizýshisi ári kómekshisi Mádi Batyrshaev bul qylmystyq iske esh qatysy joǵyn aityp, sýdiadan ádil tórelik jasaýdy ótindi.
Eske salaiyq, 2023 jyly Gúlmira Satybaldyǵa eki ret sot úkimi shyqqan edi. 2023 jyly maýsymda Qyzylorda soty "Bótenniń múlkin iemdený jáne jymqyrý" baby boiynsha aiyptalǵan Gúlmira Satybaldyny 8 jylǵa bas bostandyǵynan aiyrǵan edi. Onyń aldynda Astana soty "Adam urlaý" (125-bap) jáne "Ózinshe bilik etý" (339-bap) baptary boiynsha aiyptalǵan Gúlmira Satybaldyny 7 jylǵa sottaǵan.
Bul joly Nazarbaevtyń nemere inisi Qairat Satybaldynyń burynǵy áieli Gúlmira Satybaldy bopsalaý jáne kásipkerdi zańsyz erkindiginen aiyrý isi boiynsha sotqa tartylyp otyr.
