Politsiia tanymal oryndaýshy Qarakesek-tiń (Omar Amantaev) esirtki saqtady degen kúdikke ilinýine bailanysty sotqa deiingi tergeý júrgizip jatyr, dep habarlaidy Dalanews.kz.
IIM habarlaýynsha, Omar Amantaev Aqtóbede ustalǵannan keiin, ákimshilik ister jónindegi mamandandyrylǵan mejraiondyq sot onyń kólikti mas kúiinde basqarǵanyn anyqtap, kináli dep tanydy. Sot sheshimimen ol 15 táýlikke qamaýǵa alyndy. Sondai-aq 7 jyl merzimge kólik júrgizý quqyǵynan aiyryldy.
"Esirtki quraldaryn saqtaý faktisi boiynsha Qylmystyq kodekstiń 296-babynyń 2-bóligine sáikes («Esirtki zattaryn, psihotroptyq zattardy ótkizý maqsatynsyz zańsyz saqtaý») sotqa deiingi tergeý júrgizilýde", – dedi IIM Tengrinews.kz-tiń resmi saýalyna bergen jaýabynda.
Eger mýzykanttyń kinási dáleldense, oǵan 160 ailyq eseptik kórsetkishke deiin (2025 jyly – 629 120 teńge) aiyppul salynýy, 160 saǵatqa deiin qoǵamdyq jumysqa tartylýy nemese 40 táýlikke deiin qamaýǵa alynýy múmkin.
Buǵan deiin reperdiń tek ákimshilik qamaýǵa alynǵany habarlanǵan edi. Al esirtki saqtaý deregi boiynsha qylmystyq is qozǵalǵany politsiia tarapynan aitylmaǵan.
Eske salsaq, qyrkúiek aiynyń basynda Aqtóbe politsiiasy 31 jastaǵy rep-oryndaýshyny esirtkilik mas kúiinde ustaǵan. Onyń janynan untaq tárizdi zat salynǵan zip-paket tabyldy.
Qarakesek – Omar Amantaevtyń sahnalyq aty. Ol 1994 jyly 17 qazanda Oral qalasynda dúniege kelgen. Mýzykalyq jolyn internette qarapaiym veb-kameraǵa beinerolikter túsirip, jelige jariialaýdan bastaǵan. 18 jasynda alǵashqy eki albomyn shyǵardy. Qarakesek Qazaqstandaǵy eń úzdik lirikalyq rep-oryndaýshylardyń biri sanalady. Onyń beinebaiandaryn YouTube-ta milliondaǵan adam tamashalaidy.
