Búgin Atyraýda Jer reformasy boiynsha qurylǵan komissiianyń kezekti otyrysy ótti. Asqar Myrzahmetovtiń tóraǵalyǵymen ótken jiynda komissiia músheleri túrli pikirleri men oilaryn ortaǵa salyp jatqan. Sheneýnikterdiń "tátti" áńgimesi men tikelei efirdi túrmede tergeýde jatqan qoǵam belsendileri Talǵat Aian men Maks Boqaevtiń analary úzdi.
Aq jaýlyqty apalardyń ekeýi de muǵalim. Uldarymyzdy patriot jáne ádil etip ósirdik degen olar, Toqtar Tóleshov týraly ertegini 7-shi synyp oqýshylaryna aityńdar deidi.
[caption id="attachment_18099" align="alignright" width="364"]
- Men eshkimge senbeimin, sondyqtan bar shyndyqty osy halyqtyń aldynda aitqaly otyrmyn. Sebebi, erteń 10-15 kúnen keiin balamnyń soty bolady. Meniń balam áppaq, ózim mektepte muǵalim bolyp 35 jyl jumys istedim. Balamdy óte jaqsy tárbieledim. Mektepti qyzyl attestatpen bitirdi, sosyn Ál-Farabi atyndaǵy ýniversitettiń zań fakýltetine túsip, ony da bitirip shyqty... Balamnyń statiasy meniń qolymda tur. On qaitara oqyp shyqtym. Útir-núktesine deiin bilemin, jattap aldym. Endeshe tyńdańyzdar, aitaiyn... Tóleshov degen bireý bar eken Shymkentte. Ol meniń balamdy syrtynan kóripti de unatyp qalypty, sodan 100 myń dollar aqsha jiberipti. Ol aqshany kómekshisine bergen, kómekshisi óziniń kómekshisine bergen, ol Aqtaýǵa jetkizgen, Aqtaýdaǵy bireý 1000 teńgege taksi ustap, Atyraýǵa kelipti de aqshany Talǵatqa beripti. Osyndai ertegige senesizder me? Mynany meniń 7-klasta oqityn baldaryma aitsa senbeidi ǵoi. Sizder qalai senip otyrsyzdar? - deidi Talǵat Aiannyń anasy. Ol Atyraý oblysynyń ákimi Nurlan Noǵaevqa "sózińde turmadyń" dep renishin aitty.
- Men ózim 24 sáýir kúni mitingke shyqqan joqpyn, biraq videosyn bastan-aiaq kórdim. Balamnyń ne aitqanynyń bárin bilemin. Noǵaev myrza, sol jerden sizdi kórgende de qatty qýanǵan edim, bizdiń oblysqa da jaqsy basshy kelipti ǵoi dep. Biraq, siz sózińizde turmadyńyz ǵoi, nege jaýǵa ustatyp berdińiz balamdy? Aityńyzshy? 24 sáýirden keiingi mitingten 1 apta ótken soń balamdy qamap tastady, biraq 21 mamyrdaǵy mitingke qatysy bar dep aiyptap otyr. Aityńyzdarshy, ol bul ýaqytta túrmede jatty ǵoi, túrmede jatqan adam qalai mitingti basqarady, eldi qalai úgitteidi túrmedegi adam? - deidi ashynǵan ana.
[caption id="attachment_18102" align="alignright" width="338"]
Esterińizde bolsa, 24 sáýirde Atyraýda bolǵan mitingten keiin oblys ákimi Nurlan Noǵaev oǵan qatysqandardyń eshbiri jazalanbaidy, qýdalanbaidy dep ýáde bergen bolatyn.
Maks Boqaevtiń anasy 42 jyl pedagog bolǵan, búgingi tańda zeinettegi qariia. Ol da óziniń ulynyń mundai qylmysqa barǵanyna senbeidi.
- Árbir qazaq óziniń ata-babasynan qalǵan jerdiń birtutastyǵyn qalaidy, kim kóringenniń qolynda ketpegenin qalaidy. Sol úshin beibit sherýge shyqqan halyq ún tastady, pikir bildirdi. Onyń memlekettiń qaýipsizdigine qandai qatysy bar ekenin men túsinbei otyrmyn. Bul kóterilis emes, bul bar-joǵy pikir bildirý ekenin nege túsinbeimiz? Mitingke shyqqandardy jaý dep esepteý - patriotizmge qarsy qaǵylǵan syna dep esepteimin.
https://www.youtube.com/watch?v=kaNazpLJLFQ
https://www.youtube.com/watch?v=chsqK9MxnEE
Derekkóz: sn.kz
