بٷگٸن اتىراۋدا جەر رەفورماسى بويىنشا قۇرىلعان كوميسسييانىڭ كەزەكتٸ وتىرىسى ٶتتٸ. اسقار مىرزاحمەتوۆتٸڭ تٶراعالىعىمەن ٶتكەن جيىندا كوميسسييا مٷشەلەرٸ تٷرلٸ پٸكٸرلەرٸ مەن ويلارىن ورتاعا سالىپ جاتقان. شەنەۋنٸكتەردٸڭ "تەتتٸ" ەڭگٸمەسٸ مەن تٸكەلەي ەفيردٸ تٷرمەدە تەرگەۋدە جاتقان قوعام بەلسەندٸلەرٸ تالعات ايان مەن ماكس بوقاەۆتٸڭ انالارى ٷزدٸ.
اق جاۋلىقتى اپالاردىڭ ەكەۋٸ دە مۇعالٸم. ۇلدارىمىزدى پاتريوت جەنە ەدٸل ەتٸپ ٶسٸردٸك دەگەن ولار, توقتار تٶلەشوۆ تۋرالى ەرتەگٸنٸ 7-شٸ سىنىپ وقۋشىلارىنا ايتىڭدار دەيدٸ.
[caption id="attachment_18099" align="alignright" width="364"]
- مەن ەشكٸمگە سەنبەيمٸن, سوندىقتان بار شىندىقتى وسى حالىقتىڭ الدىندا ايتقالى وتىرمىن. سەبەبٸ, ەرتەڭ 10-15 كٷنەن كەيٸن بالامنىڭ سوتى بولادى. مەنٸڭ بالام ەپپاق, ٶزٸم مەكتەپتە مۇعالٸم بولىپ 35 جىل جۇمىس ٸستەدٸم. بالامدى ٶتە جاقسى تەربيەلەدٸم. مەكتەپتٸ قىزىل اتتەستاتپەن بٸتٸردٸ, سوسىن ەل-فارابي اتىنداعى ۋنيۆەرسيتەتتٸڭ زاڭ فاكۋلتەتٸنە تٷسٸپ, ونى دا بٸتٸرٸپ شىقتى... بالامنىڭ ستاتياسى مەنٸڭ قولىمدا تۇر. ون قايتارا وقىپ شىقتىم. ٷتٸر-نٷكتەسٸنە دەيٸن بٸلەمٸن, جاتتاپ الدىم. ەندەشە تىڭداڭىزدار, ايتايىن... تٶلەشوۆ دەگەن بٸرەۋ بار ەكەن شىمكەنتتە. ول مەنٸڭ بالامدى سىرتىنان كٶرٸپتٸ دە ۇناتىپ قالىپتى, سودان 100 مىڭ دوللار اقشا جٸبەرٸپتٸ. ول اقشانى كٶمەكشٸسٸنە بەرگەن, كٶمەكشٸسٸ ٶزٸنٸڭ كٶمەكشٸسٸنە بەرگەن, ول اقتاۋعا جەتكٸزگەن, اقتاۋداعى بٸرەۋ 1000 تەڭگەگە تاكسي ۇستاپ, اتىراۋعا كەلٸپتٸ دە اقشانى تالعاتقا بەرٸپتٸ. وسىنداي ەرتەگٸگە سەنەسٸزدەر مە? مىنانى مەنٸڭ 7-كلاستا وقيتىن بالدارىما ايتسا سەنبەيدٸ عوي. سٸزدەر قالاي سەنٸپ وتىرسىزدار? - دەيدٸ تالعات اياننىڭ اناسى. ول اتىراۋ وبلىسىنىڭ ەكٸمٸ نۇرلان نوعاەۆقا "سٶزٸڭدە تۇرمادىڭ" دەپ رەنٸشٸن ايتتى.
- مەن ٶزٸم 24 سەۋٸر كٷنٸ ميتينگكە شىققان جوقپىن, بٸراق ۆيدەوسىن باستان-اياق كٶردٸم. بالامنىڭ نە ايتقانىنىڭ بەرٸن بٸلەمٸن. نوعاەۆ مىرزا, سول جەردەن سٸزدٸ كٶرگەندە دە قاتتى قۋانعان ەدٸم, بٸزدٸڭ وبلىسقا دا جاقسى باسشى كەلٸپتٸ عوي دەپ. بٸراق, سٸز سٶزٸڭٸزدە تۇرمادىڭىز عوي, نەگە جاۋعا ۇستاتىپ بەردٸڭٸز بالامدى? ايتىڭىزشى? 24 سەۋٸردەن كەيٸنگٸ ميتينگتەن 1 اپتا ٶتكەن سوڭ بالامدى قاماپ تاستادى, بٸراق 21 مامىرداعى ميتينگكە قاتىسى بار دەپ ايىپتاپ وتىر. ايتىڭىزدارشى, ول بۇل ۋاقىتتا تٷرمەدە جاتتى عوي, تٷرمەدە جاتقان ادام قالاي ميتينگتٸ باسقارادى, ەلدٸ قالاي ٷگٸتتەيدٸ تٷرمەدەگٸ ادام? - دەيدٸ اشىنعان انا.
[caption id="attachment_18102" align="alignright" width="338"]
ەستەرٸڭٸزدە بولسا, 24 سەۋٸردە اتىراۋدا بولعان ميتينگتەن كەيٸن وبلىس ەكٸمٸ نۇرلان نوعاەۆ وعان قاتىسقانداردىڭ ەشبٸرٸ جازالانبايدى, قۋدالانبايدى دەپ ۋەدە بەرگەن بولاتىن.
ماكس بوقاەۆتٸڭ اناسى 42 جىل پەداگوگ بولعان, بٷگٸنگٸ تاڭدا زەينەتتەگٸ قارييا. ول دا ٶزٸنٸڭ ۇلىنىڭ مۇنداي قىلمىسقا بارعانىنا سەنبەيدٸ.
- ەربٸر قازاق ٶزٸنٸڭ اتا-باباسىنان قالعان جەردٸڭ بٸرتۇتاستىعىن قالايدى, كٸم كٶرٸنگەننٸڭ قولىندا كەتپەگەنٸن قالايدى. سول ٷشٸن بەيبٸت شەرۋگە شىققان حالىق ٷن تاستادى, پٸكٸر بٸلدٸردٸ. ونىڭ مەملەكەتتٸڭ قاۋٸپسٸزدٸگٸنە قانداي قاتىسى بار ەكەنٸن مەن تٷسٸنبەي وتىرمىن. بۇل كٶتەرٸلٸس ەمەس, بۇل بار-جوعى پٸكٸر بٸلدٸرۋ ەكەنٸن نەگە تٷسٸنبەيمٸز? ميتينگكە شىققانداردى جاۋ دەپ ەسەپتەۋ - پاتريوتيزمگە قارسى قاعىلعان سىنا دەپ ەسەپتەيمٸن.
https://www.youtube.com/watch?v=kaNazpLJLFQ
https://www.youtube.com/watch?v=chsqK9MxnEE
دەرەككٶز: sn.kz
