Atyraý munai óńdeý zaýytynyń burynǵy basshysy Murat Dosmuratovtyń ústinen qozǵalǵan qylmystyq is toqtatyldy. Prokýratýra barlyq aiyptaýlardan bas tartyp, onyń áreketterinde qylmys quramy joq ekenin moiyndady, dep habarlaidy Dalanews.kz "Aq Jaiyq" basylymyna silteme jasap.
Eks-basshynyń jubaiy Nurgúl Dosmuratovanyń aitýynsha, Atyraý oblystyq soty onyń kúieýin tolyq aqtap, memleket atynan keshirim suraǵan. Bul sheshim prokýratýra barlyq aiyptaýlardan bas tartyp, onyń áreketterinde qylmys quramy joq ekenin moiyndaǵannan keiin qabyldanǵan.
Aita ketsek, atalǵan oqiǵa 2022 jyldyń sáýir aiynda bastalǵan. Jańa jabdyq satyp alýǵa (ol osy úshin aiyptalǵan) isten shyqqan jylýalmastyrǵysh qurylǵy sebep boldy. Óndirýshi ony kepildik boiynsha aýystyrýdan bas tartyp, tehnikalyq qujattamadaǵy qate saldarynan durys qoldanylmady dep túsindirdi. Sol kezde kásiporyn basshylyǵy QazMunaiGazǵa jańa jabdyqty ulttyq kompaniia esebinen satyp alý týraly ótinish bildirdi.
Is boiynsha sheshýshi ózgeris Bas prokýratýranyń qarsylyq bildirýinen keiin boldy. Joǵarǵy sot tómengi sottardyń sheshimderin joiyp, materialdardy qaita qaraýǵa jiberdi. Qaita qaraý kezinde prokýratýra aiyptaýdan tolyq bas tartty. Sýdia Dosmuratovtyń qyzmetke kirispes buryn qalyptasqan jaǵdaidyń qurbany ekenin moiyndap, ony tolyq aqtady.
