اتىراۋ مۇناي ٶڭدەۋ زاۋىتىنىڭ بۇرىنعى باسشىسى مۇرات دوسمۇراتوۆتىڭ ٷستٸنەن قوزعالعان قىلمىستىق ٸس توقتاتىلدى. پروكۋراتۋرا بارلىق ايىپتاۋلاردان باس تارتىپ, ونىڭ ەرەكەتتەرٸندە قىلمىس قۇرامى جوق ەكەنٸن مويىندادى, دەپ حابارلايدى Dalanews.kz "اق جايىق" باسىلىمىنا سٸلتەمە جاساپ.
ەكس-باسشىنىڭ جۇبايى نۇرگٷل دوسمۇراتوۆانىڭ ايتۋىنشا, اتىراۋ وبلىستىق سوتى ونىڭ كٷيەۋٸن تولىق اقتاپ, مەملەكەت اتىنان كەشٸرٸم سۇراعان. بۇل شەشٸم پروكۋراتۋرا بارلىق ايىپتاۋلاردان باس تارتىپ, ونىڭ ەرەكەتتەرٸندە قىلمىس قۇرامى جوق ەكەنٸن مويىنداعاننان كەيٸن قابىلدانعان.
ايتا كەتسەك, اتالعان وقيعا 2022 جىلدىڭ سەۋٸر ايىندا باستالعان. جاڭا جابدىق ساتىپ الۋعا (ول وسى ٷشٸن ايىپتالعان) ٸستەن شىققان جىلۋالماستىرعىش قۇرىلعى سەبەپ بولدى. ٶندٸرۋشٸ ونى كەپٸلدٸك بويىنشا اۋىستىرۋدان باس تارتىپ, تەحنيكالىق قۇجاتتاماداعى قاتە سالدارىنان دۇرىس قولدانىلمادى دەپ تٷسٸندٸردٸ. سول كەزدە كەسٸپورىن باسشىلىعى قازمۇنايگازعا جاڭا جابدىقتى ۇلتتىق كومپانييا ەسەبٸنەن ساتىپ الۋ تۋرالى ٶتٸنٸش بٸلدٸردٸ.
ٸس بويىنشا شەشۋشٸ ٶزگەرٸس باس پروكۋراتۋرانىڭ قارسىلىق بٸلدٸرۋٸنەن كەيٸن بولدى. جوعارعى سوت تٶمەنگٸ سوتتاردىڭ شەشٸمدەرٸن جويىپ, ماتەريالداردى قايتا قاراۋعا جٸبەردٸ. قايتا قاراۋ كەزٸندە پروكۋراتۋرا ايىپتاۋدان تولىق باس تارتتى. سۋديا دوسمۇراتوۆتىڭ قىزمەتكە كٸرٸسپەس بۇرىن قالىپتاسقان جاعدايدىڭ قۇربانى ەكەنٸن مويىنداپ, ونى تولىق اقتادى.
