Saiasatker Ámirjan Qosanov jer daýy boiyna jaýapqa tartylǵan azamattardyń quqyǵyn qorǵaityn "Arasha"komitetiniń qurylǵanyn habarlady.
Atam qazaqta "Arasha!" degen ataly da abyroily sóz bar. Tek jany ashyǵan adam ǵana teketirestiń jónsiz ári zańsyz ekenin bilip, eki jaqtyń ustasýy túbinde jaqsylyqqa aparmaitynyn uǵynyp arasha túse alady. Arasha túsý úshin sonymen birge júrek te kerek, óitkeni ondai qadam bireýlerge jaqpai qalýy ábden yqtimal. Ásirese, ol adamdar óziniń jaǵdaiyn paidalanyp, basqalarǵa álimjettik jasap jatqan bolsa.
Bas prokýratýra jer astynan jeti qoian tapqandai, "el ishinde "qaptap" júrgen búlikshilerdi taptyq-mys" dep, málimdeme jasaǵan bolatyn. Ol sózge qarasaq, olardyń bári óńsheń terrorister eken! Iaǵni, "jerim, elim!" dep eńireseń, "ony satqyzbaimyn!" deseń, ekstremist bop shyǵa keledi ekensiń!
Al kúni keshe biz, bir top azamat, qazir saiasi qýǵyndaýǵa ushyrap, Ákimshilik kodeks qana emes, Qylmystyq (!) kodekstiń asa aýyr baptary boiynsha jaýapqa tartylǵaly jatqan belsendilerdi qorǵaý maqsatynda "ARAShA" - repressiiaǵa qarsy komitetin qurýdy uiǵardyq.
Olai bolsa, ol jazyqsyz azamattarǵa el bolyp, jurt bolyp arasha túseiik!
Óitkeni, bir komitet qana emes, búkil qazaq arasha tússe, ádilettik ornap, ol adamdar bostandyqqa shyǵa alady!
Avtordyń Feisbýk jelisindegi paraqshasynan alyndy
