ساياساتكەر ءامىرجان قوسانوۆ جەر داۋى بويىنا جاۋاپقا تارتىلعان ازاماتتاردىڭ قۇقىعىن قورعايتىن "اراشا"كوميتەتىنىڭ قۇرىلعانىن حابارلادى.
اتام قازاقتا "اراشا!" دەگەن اتالى دا ابىرويلى ءسوز بار. تەك جانى اشىعان ادام عانا تەكەتىرەستىڭ ءجونسىز ءارى زاڭسىز ەكەنىن ءبىلىپ، ەكى جاقتىڭ ۇستاسۋى تۇبىندە جاقسىلىققا اپارمايتىنىن ۇعىنىپ اراشا تۇسە الادى. اراشا ءتۇسۋ ءۇشىن سونىمەن بىرگە جۇرەك تە كەرەك، ويتكەنى ونداي قادام بىرەۋلەرگە جاقپاي قالۋى ابدەن ىقتيمال. اسىرەسە، ول ادامدار ءوزىنىڭ جاعدايىن پايدالانىپ، باسقالارعا الىمجەتتىك جاساپ جاتقان بولسا.
باس پروكۋراتۋرا جەر استىنان جەتى قويان تاپقانداي، "ەل ىشىندە "قاپتاپ" جۇرگەن بۇلىكشىلەردى تاپتىق-مىس" دەپ، مالىمدەمە جاساعان بولاتىن. ول سوزگە قاراساق، ولاردىڭ ءبارى وڭشەڭ تەرروريستەر ەكەن! ياعني، "جەرىم، ەلىم!" دەپ ەڭىرەسەڭ، "ونى ساتقىزبايمىن!" دەسەڭ، ەكسترەميست بوپ شىعا كەلەدى ەكەنسىڭ!
ال كۇنى كەشە ءبىز، ءبىر توپ ازامات، ءقازىر ساياسي قۋعىنداۋعا ۇشىراپ، اكىمشىلىك كودەكس قانا ەمەس، قىلمىستىق (!) كودەكستىڭ اسا اۋىر باپتارى بويىنشا جاۋاپقا تارتىلعالى جاتقان بەلسەندىلەردى قورعاۋ ماقساتىندا "اراشا" - رەپرەسسياعا قارسى كوميتەتىن قۇرۋدى ۇيعاردىق.
ولاي بولسا، ول جازىقسىز ازاماتتارعا ەل بولىپ، جۇرت بولىپ اراشا تۇسەيىك!
ويتكەنى، ءبىر كوميتەت قانا ەمەس، بۇكىل قازاق اراشا تۇسسە، ادىلەتتىك ورناپ، ول ادامدار بوستاندىققا شىعا الادى!
اۆتوردىڭ فەيسبۋك جەلىسىندەگى پاراقشاسىنان الىندى
