Respýblikashylardyń úsheýinen basqasynyń barlyǵy onyń kandidatýrasyn qoldady, al Senattaǵy barlyq demokrattar qarsy daýys berdi. Osylaisha jinalǵan daýys 50-de 50-de bolyp, telejúrgizýshi kandidatýrasyn qoldaýda másele tyǵyryqqa tireldi. AQSh vitse-ministri Djeims Devid Venstiń daýysy bul arada sheshýshi ról atqardy.
"Hegset Pentagonǵa bara salyp, Tramptyń deportatsiialaý úkimin iske asyrý úshin áskerdi paidalaný áreketterin talqylaýǵa, búkil álem boiynsha áskerlerdi ornalastyrýdy baǵalaýǵa, ártúrlilik baǵdarlamalaryn joiýǵa jáne qai joǵary ofitserler óz laýazymdaryn saqtap qalatynyn anyqtaýǵa bar kúshin jumsaýy múmkin. Qorǵanys ministrligi ózgeristerge daiyndalýda", - dep túsindirdi Politico basylymy.
Buǵan deiin Pentagon basshysy qyzmetin árqashan eki partiianyń da qoldaýyna ie iri uiymdardy basqarýda úlken tájiribesi bar adamdar atqaryp kelgeni aitylady. Sondai-aq Hegsettiń kandidatýrasyna qyz zorlaý aiyby boiynsha da daý keltiriledi. Iá, onyń ústine 2017 jyldyń qyrkúieginde osyndai aryz-shaǵym túsken eken. Bul rette Hegset óz kinásin joqqa shyǵarady, dep jazady DW.
Buǵan deiin saitymyzda "Tórt jyl buryn Tramptyń jeńisin urlap alǵanda Ýkrainadaǵy soǵys bolmaýy múmkin edi - Pýtin" degen maqala jariialanǵan.
