Bul úrdisti Almaty oblysynyń basshysy Amandyq Batalov jalǵastyrdy. Oblys ákimi Jetisý jurtshylyǵyna keselge qatysty aqpar men eskertpeler aitty.
- Ózderińiz bilesizder, Almaty qalasynda otandastarymyzdyń arasynda infektsiia juqtyrǵan oqiǵalar tirkeldi. Osyǵan bailanysty memleket basshylyǵy erteń túngi saǵat 00-den bastap Almaty qalasynda karantin engizý týraly sheshim qabyldady»,- dep bastady alǵy sózin Amandyq Ǵabbasuly.
Qalaǵa kireberiste blokposttar qoiylyp, kirý joldar jabylady. Birqatar kásiporyndar men uiymdardyń jumysy toqtatylady, saýda-oiyn-saýyq ortalyqtary, bazarlar men meiramhanalar jabylady. Biz bul máseleni Almaty qalasynyń ákimdigimen birge qarastyryp jatyrmyz, – dedi óńir basshysy.
Sondai – aq, óz málimdemesinde turǵyndarǵa eldegi oryn alǵan jaittarǵa túsinistikpen qarap, karantin kezinde alyp shahar Almatyǵa barýdy qoia turýlaryn surady.
Qazir birinshi kezekte óz densaýlyǵymyzǵa erekshe nazar aýdaryp, sanitarlyq dárigerlerdiń barlyq usynystaryn tolyq saqtaýymyz kerek degen Amandyq Batalov, biliktiń úndeýine qulaq aspai, qaýipsizdik sharalaryna jeńil-jelpi qaraǵan birqatar Eýropa elderi (Italiia siiaqty) turǵyndarynyń qatelikterin qaitalamaýymyz kerek dep eskertti.
- Bizdiń oblysta barlyq azyq-túlik dúkenderi shtattyq rejimde jumys isteidi. Birinshi kezektegi qajet azyq-túlikter tolyq kólemde jetkilikti. Taýarlar men dári-dármek jetispeýshiligi joq. Baǵany turaqtandyrý úshin oblystyq biýdjetten qosymsha qarjy bólindi – dep aityp ótti ákim myrza.
Eldegi ahýalǵa alańdaǵan A. Ǵabbasuly qabyldanyp jatqan barlyq sharalar halyqtyń qaýipsizdigin, qoǵam turaqtylyǵyn qamtamasyz etýge baǵyttalǵanyn eske saldy.
Sonymen qatar, barsha jerlesterdi áýeli densaýlyqqa salǵyrt qaramai, virýstyń taralýyna jol bermeýge, syn saǵatta synbaýǵa shaqyrdy.
Anar SABYROVA
https://www.youtube.com/watch?v=x3JtjSF-U_E&feature=youtu.be&fbclid=IwAR1p36qZevJ4ujOnL4L9qjUsvZECKgzmsYji_Vga1Ga7v7WqPfkHeRLU8OU
