بۇل ٷردٸستٸ الماتى وبلىسىنىڭ باسشىسى اماندىق باتالوۆ جالعاستىردى. وبلىس ەكٸمٸ جەتٸسۋ جۇرتشىلىعىنا كەسەلگە قاتىستى اقپار مەن ەسكەرتپەلەر ايتتى.
- ٶزدەرٸڭٸز بٸلەسٸزدەر, الماتى قالاسىندا وتانداستارىمىزدىڭ اراسىندا ينفەكتسييا جۇقتىرعان وقيعالار تٸركەلدٸ. وسىعان بايلانىستى مەملەكەت باسشىلىعى ەرتەڭ تٷنگٸ ساعات 00-دەن باستاپ الماتى قالاسىندا كارانتين ەنگٸزۋ تۋرالى شەشٸم قابىلدادى»,- دەپ باستادى العى سٶزٸن اماندىق عابباسۇلى.
قالاعا كٸرەبەرٸستە بلوكپوستتار قويىلىپ, كٸرۋ جولدار جابىلادى. بٸرقاتار كەسٸپورىندار مەن ۇيىمداردىڭ جۇمىسى توقتاتىلادى, ساۋدا-ويىن-ساۋىق ورتالىقتارى, بازارلار مەن مەيرامحانالار جابىلادى. بٸز بۇل مەسەلەنٸ الماتى قالاسىنىڭ ەكٸمدٸگٸمەن بٸرگە قاراستىرىپ جاتىرمىز, – دەدٸ ٶڭٸر باسشىسى.
سونداي – اق, ٶز مەلٸمدەمەسٸندە تۇرعىندارعا ەلدەگٸ ورىن العان جايتتارعا تٷسٸنٸستٸكپەن قاراپ, كارانتين كەزٸندە الىپ شاھار الماتىعا بارۋدى قويا تۇرۋلارىن سۇرادى.
قازٸر بٸرٸنشٸ كەزەكتە ٶز دەنساۋلىعىمىزعا ەرەكشە نازار اۋدارىپ, سانيتارلىق دەرٸگەرلەردٸڭ بارلىق ۇسىنىستارىن تولىق ساقتاۋىمىز كەرەك دەگەن اماندىق باتالوۆ, بيلٸكتٸڭ ٷندەۋٸنە قۇلاق اسپاي, قاۋٸپسٸزدٸك شارالارىنا جەڭٸل-جەلپٸ قاراعان بٸرقاتار ەۋروپا ەلدەرٸ (يتالييا سيياقتى) تۇرعىندارىنىڭ قاتەلٸكتەرٸن قايتالاماۋىمىز كەرەك دەپ ەسكەرتتٸ.
- بٸزدٸڭ وبلىستا بارلىق ازىق-تٷلٸك دٷكەندەرٸ شتاتتىق رەجيمدە جۇمىس ٸستەيدٸ. بٸرٸنشٸ كەزەكتەگٸ قاجەت ازىق-تٷلٸكتەر تولىق كٶلەمدە جەتكٸلٸكتٸ. تاۋارلار مەن دەرٸ-دەرمەك جەتٸسپەۋشٸلٸگٸ جوق. باعانى تۇراقتاندىرۋ ٷشٸن وبلىستىق بيۋدجەتتەن قوسىمشا قارجى بٶلٸندٸ – دەپ ايتىپ ٶتتٸ ەكٸم مىرزا.
ەلدەگٸ احۋالعا الاڭداعان ا. عابباسۇلى قابىلدانىپ جاتقان بارلىق شارالار حالىقتىڭ قاۋٸپسٸزدٸگٸن, قوعام تۇراقتىلىعىن قامتاماسىز ەتۋگە باعىتتالعانىن ەسكە سالدى.
سونىمەن قاتار, بارشا جەرلەستەردٸ ەۋەلٸ دەنساۋلىققا سالعىرت قاراماي, ۆيرۋستىڭ تارالۋىنا جول بەرمەۋگە, سىن ساعاتتا سىنباۋعا شاقىردى.
انار سابىروۆا
https://www.youtube.com/watch?v=x3JtjSF-U_E&feature=youtu.be&fbclid=IwAR1p36qZevJ4ujOnL4L9qjUsvZECKgzmsYji_Vga1Ga7v7WqPfkHeRLU8OU
