Oblys basshysymen kezdesýge sailaýda el senimine ie bolǵan eki áiel ákim – Aqsý aýdany Oitoǵan aýyldyq okrýginiń ákimi Venera Berikova, Sarqan aýdany Amanbókter aýyldyq okrýginiń ákimi Shyryngúl Nurhanova, eń jas ákim retinde Qarasai aýdany Eltai aýyldyq okrýginiń ákimi Birjan Mahatov, sol siiaqty Talǵar aýdany Panfilov aýdandyq okrýginiń ákimi Serik Shalov, Talǵar aýdany Besqainar aýyldyq okrýginiń ákimi Arman Jabaev keldi. Sonymen qatar aýdan basshylary men basqa da jańa sailanǵan okrýg ákimderi jiynǵa beinebailanys arqyly qosyldy.
Aldymen jańa laýazymǵa ie bolǵan okrýg ákimderin sailanýlarymen quttyqtaǵan oblys ákimi olardyń jumystaryna sáttilik tiledi. Jáne birqatar mindet-maqsattarǵa toqtaldy.
- Memleket basshysy Qasym-Jomart Toqaevtyń bastamasymen qazaqstandyq qoǵamdy demokratiialandyrý maqsatynda ákimder sailaýy ótip, sailaýda halyq senimine ie boldyńyzdar.
Bizdiń oblysta 71 okrýgte sailaý ótti, sonyń 37-sinde ákimder ózgerdi. Men barlyq ákimderdiń ómirbaianyn qarap shyqtym, báriniń tájiribesi bar, bilimdi azamattar, iaǵni kadrlardyń sapalyq quramy jaqsy. Oblysta jalpy sany 742 eldi meken bar. Onyń árqaisysyna barýǵa bizdiń ýaqytymyz da, múmkindigimiz de bola bermeidi.
Sondyqtan sol óńirlerdegi jaǵdai qandai, halyqtyń qandai ótinish-tilegi bar, sonyń barlyǵyn bilip, sheshimin kútken máseleler bolsa, bizge jetkizip, birlesip jumys isteýimiz kerek. Óńirlerdegi jumysqa jańasha kózqaras qajet, ár iste bastamashy bolý kerek.
Aimaqtarda sý, jol, úsh aýysymdy mektepter, basqa da ózekti máseleler kóterilip jatady. Solardyń árqaisysyn jiti zerdelep, mán-jaidan habardar bolyp, sheshimin qarastyrý kerek.
Eldi mekenderde turmystyq qatty qaldyqtardy bei-bereket tastaýǵa jol berilmeýi tiis. Gazdandyrý isine de erekshe nazar aýdarý kerek. Bizde atqarylyp jatqan jumys kóp, ony da halyqqa jetkizip aityńyzdar.
Aýyldyq jerlerde sharýashylyqtar sýbsidiia aldy ma, qai óńirlerge servistik daiyndaý ortalyǵyn qurý kerek, qai aimaqqa tehnika qajet, qai aýylda jaǵdaiy tómen qansha otbasy bar, osynyń barlyǵy sizderdiń jiti nazarlaryńyzda bolýy kerek.
Okrýgterge bólingen biýdjet qarajaty tiimdi paidalanylýy tiis. Biz jańa okrýg ákimderinen jandy jumys, tyń bastamalar kútemiz. Ózara birlesip atqarǵanda ǵana jumysymyz nátijeli bolady, - dedi A. Batalov.
Munan soń Aqsý aýdany Oitoǵan aýyldyq okrýginiń ákimi Venera Berikova 14 jyldan beri memlekettik qyzmette júrgenin tilge tiek etip, ózi týǵan óńirdiń damýyna atsalysyp kele jatqanyn aitty. Ol endi okrýg ákimi retinde týǵan jerine qyzmet etpek.
Al áskeri salada biraz jyl eńbek etip, tártip pen tabandylyqqa tóselgen maman, Talǵar aýdany Panfilov aýyldyq okrýginiń ákimi Serik Shalov óz sózinde el senimin aqtap, halyqqa adal qyzmet etetinin aitty:
- 71,9% daýys jinap, el úmitin arqalap ákimdik qyzmetke kiristim. Áskeri adam retinde nátijege jumys isteýge bar kúsh-jigerimdi jumsaimyn. Qazir sailaýaldy baǵdarlamany oryndaýǵa, halyqtyń talap-tilegin iske asyrýǵa óńirdegi aqsaqaldar keńesi, qoǵamdyq keńes siiaqty qoǵamdyq uiymdarmen birlesip kirisip jatyrmyz. Eldiń senimin aqtap, kóptiń igiligine qyzmet etetinime sendiremin, - dedi S.Shalov.
Jiyndy qorytyndylaǵan Amandyq Batalov aýdan, qala basshylaryna jáne aýyldyq okrýg ákimderine Elbasy men Prezident tapsyrmalaryna orai mindetter júktep, jumystarynyń jemisti bolýyna tilektestigin bildirdi.
