Ondaǵy negizgi maqsat – Konstitýtsiialyq túzetýler jobasyn jergilikti turǵyndar arasynda túsindirý jáne referendýmdy qoldaýǵa shaqyrý. Sondai-aq olardyń usynys-pikirlerin tyńdap, talqylaý.
Kezdesýge Túlkibas aýdanynyń ákimi Nurlan Baiǵut, oblystyq máslihat depýtaty Órken Esei, Túlkibas aýdandyq partiia filialynyń atqarýshy hatshysy Qýatbek Erkebaev jáne aýdandyq máslihat depýtattary, fraktsiia músheleri men partiia belsendileri qatysty.
Jiyndy aýdan ákimi N.Baiǵut júrgizip otyrdy. Alǵash bop sóz alǵan Darhan Qamzabekuly jinalǵandarǵa jalpyhalyqtyq referendým ótkizýdiń alǵysharttaryn, usynylǵan reformalardyń erekshelikterin, demokratiialyq túrlenýdiń mańyzyn qarapaiym ári túsinikti sózdermen áńgimelep berdi. Kezdesý barysynda turǵyndar tarapynan da saýaldar qoiyldy. Shtab músheleri partiia belsendilerin aldaǵy naýqanda belsendilik tanytýǵa jáne de turǵyndar arasynda túsindirme jumystaryn júrgizýge atsalysýǵa shaqyrdy.
Munan soń respýblikalyq shtab múshesi Túlkibas agrobiznes jáne saiahat kolledjiniń stýdentterimen kezdesti. Aldaǵy referendýmda jastardyń da meilinshe belsendilik tanytýy mańyzdy. Óitkeni jastar – el bolashaǵy. Osy rette D.Qamzabekuly Jańa Qazaqstandy qurýda jastardyń alar orny erekshe ekenin atap ótti. Sondai-aq, ol jańa qoǵam qurýdyń negizgi printsipterin keńinen túsindirdi. Konstitýtsiiadaǵy keibir baptarǵa ózgerister men tolyqtyrýlar engizý arqyly memlekettiń keleshektegi baǵdary qalai ózgerýi múmkin degen taqyrypta jastarmen keńinen áńgimelesti.
Shtab músheleri osy kúni aýdandyq intelligentsiia ókilderimen de kezdesip, ózara pikir almasty. Ziialy qaýym ókilderi aldaǵy naýqanǵa bir kisidei atsalysatynyn, referendým jańa Qazaqstan qurýǵa jańa serpin beretinine senim bildirdi. Munan soń Darhan Qamzabekuly Sastóbe kentindegi jańa dárigerlik ambýlatoriia ǵimaratynyń qurylysymen tanysty.
