Qazaqstanda keibir baǵyttar boiynsha poiyz biletteriniń baǵasy ushaq biletterinen joǵary bolyp kórinýi múmkin. Bul jaǵdaidyń birneshe sebebi bar, dep habarlaidy dalanews.kz.
«Qazaqstan temir joly» UK» AQ basqarma tóraǵasynyń orynbasarynyń aitýynsha, poiyz biletteriniń baǵasy jyl boiy turaqty saqtalady jáne maýsymǵa bailanysty ózgermeidi. Biylǵy jyldyń 1 sáýirinen bastap bilet quny 7%-ǵa indeksteldi. Bul kórsetkish ótken jylǵy infliatsiia deńgeiinen (12%-dan astam) tómen.
Sonymen qatar, aviatsiia salasynda dinamikalyq tarif qalyptastyrý júiesi qoldanylady. Iaǵni, ushaq biletteriniń baǵasy suranysqa qarai ózgerip otyrady. Maýsymaralyq kezeńde nemese suranys tómen kezde áýe biletteri arzanyraq bolýy múmkin. Alaida jolaýshylar sany artqan kezeńderde olardyń baǵasy 70 myńnan 100 myń teńgege deiin jetýi yqtimal.
Mamannyń sózinshe, poiyz jáne ushaq biletteriniń baǵasyn salystyrǵanda jekelegen kúnderdegi emes, jyldyq ortasha kórsetkishterdi negizge alǵan durys. Sonda ǵana kólik túrleri arasyndaǵy baǵa aiyrmashylyǵyn obektivti baǵalaýǵa bolady.
