Kúni keshe «AMANAT» partıasynyń kezekten tys XXV Seziniń sheshimimen Májilis depýtattyǵyna kandıdat retinde partıalyq tizim boıynsha 90 adam usynyldy.
«AMANAT» partıasynyń Atqarýshy hatshysy Elnur Beısenbaev az ǵana ýaqyt ishinde Májiliske jáne barlyq deńgeıdegi máslıhattarǵa eń laıyqty úmitkerlerdi irikteý boıynsha aýqymdy jumys atqarylǵanyn atap ótti.
«El aýmaǵyndaǵy óńirlik saılaý komısıalaryna «AMANAT» partıasynan máslıhat depýtattyǵyna 3821 kandıdattyń qujaty usynyldy. OSK-ǵa tapsyrylǵan partıalyq tizimde kvota saqtalyp, úmitkerlerdiń 30%-dan astamyn áıelder, jastar jáne erekshe qajettilikteri bar adamdar qurady. Saılaý ádil, taza ótedi dep senemiz jáne aldaǵy saıası dodaǵa tolyq daıynbyz», – dedi Elnur Beısenbaev.
Sondaı-aq, búgin «AMANAT» partıasynan Májiliske birmandatty okrýgter boıynsha usynylǵan kandıdattardyń qujattary tıisti okrýgtik saılaý komısıalaryna usynyldy.
Ortalyq saılaý komısıasynyń otyrysynan keıin partıanyń Atqarýshy hatshysy jýrnalıserdiń suraqtaryna jaýap berdi.
Partıalyq tizimder boıynsha usynylǵan kandıdattardyń tolyq tizimimen osy silteme boıynsha tanysýǵa bolady: https://t.me/AMANATPartiyasy/9852. birmandatty okrýgter boıynsha: https://t.me/AMANATPartiyasy/9853.
Saılaýaldy baǵdarlamanyń tolyq mátini úgit-nasıhat kezeńiniń alǵashqy kúninde jarıalanyp, partıanyń saıtyna ornalastyrylady.
«AMANAT» partıasynyń baspasóz qyzmeti
Sýretti túsirgen Álı Ǵalym
