«AMANAT» partiiasynyń qoǵamdyq saiasat institýty direktorynyń orynbasarynyń aitýynsha, 2019 jylǵy málimetterge sáikes qazaqstandyqtardyń 73,8%-y lýdomaniiany ózekti másele dep sanaidy, al qatysýshylardyń 11%-y óz otbasylarynda qumar oiyndaryna táýeldi adamdardyń bar ekenin aitty.
– Ǵalamtor kópten beri adam ómiriniń aiyrylmas bólshegine ainaldy, ásirese balalar men jastar arasynda. Biraqtan, qumar oiyndary onlain bolǵannan beri, onyń artyqshylyqtarymen qatar, qaýipti jaqtary da kóbeidi. Bul másele endi ǵana zerttelip bastalýda, ǵylymi zertteýlerge barynsha den qoiylýy tiis, – dep aityp ótti Jastar qanaty tóraǵasynyń orynbasary Aisulý Erniiazova.
Al, psiholog Aida Turǵazy lýdomaniianyń túbinde bútindei jinaqtalǵan faktorlar jatyr deidi.
– Osylaisha adam ózindegi otbasylyq, kareraǵa qatysty, mahabbat jáne ózge de máselelerinen alshaqtaýǵa tyrysady. Kez-kelgen jaǵdaida táýeldi adam eń basynda máseleniń barlyǵyn moiyndap, mindetti túrde mamandarǵa júginýi mindetti. Jaqyn týystary, dostary alǵash bolyp dabyl qaqqany jón, – dedi A. Turǵazy.
– Aqparattyq immýnitettiń jinaqtalmaýyna bailanysty aqparatty taldai almaityn jastardyń sany kóbeidi. Jastardyń potentsialyn túrli pándik olimpiadalarǵa, ǵylymi zertteýlerge baǵyttaý kerek, basqa sózben aitqanda ziiatkerlik jetistigin keńeitý qajet, – deidi O. Turjan.
Aita ketý kerek, partiianyń Jastar qanaty aimaqtarda internetke táýeldilik pen qumar oiyndar deńgeiin taldaý, osy saladaǵy qazaqstandyq jáne sheteldik zańnamaǵa sapaly taldaý júrgizý, sondai-aq qumar oiyndary bar saittardyń tizilimin jariialaý úshin birqatar fokýs-toptardy jinaqtaýdy josparlap otyr.
