«AMANAT» پارتياسىنىڭ قوعامدىق ساياسات ينستيتۋتى ديرەكتورىنىڭ ورىنباسارىنىڭ ايتۋىنشا، 2019 جىلعى مالىمەتتەرگە سايكەس قازاقستاندىقتاردىڭ 73،8%-ى لۋدومانيانى وزەكتى ماسەلە دەپ سانايدى، ال قاتىسۋشىلاردىڭ 11%-ى ءوز وتباسىلارىندا قۇمار ويىندارىنا تاۋەلدى ادامداردىڭ بار ەكەنىن ايتتى.
– عالامتور كوپتەن بەرى ادام ءومىرىنىڭ ايىرىلماس بولشەگىنە اينالدى، اسىرەسە بالالار مەن جاستار اراسىندا. ءبىراقتان، قۇمار ويىندارى ونلاين بولعاننان بەرى، ونىڭ ارتىقشىلىقتارىمەن قاتار، ءقاۋىپتى جاقتارى دا كوبەيدى. بۇل ماسەلە ەندى عانا زەرتتەلىپ باستالۋدا، عىلىمي زەرتتەۋلەرگە بارىنشا دەن قويىلۋى ءتيىس، – دەپ ايتىپ ءوتتى جاستار قاناتى ءتوراعاسىنىڭ ورىنباسارى ايسۇلۋ ەرنيازوۆا.
ال، پسيحولوگ ايدا تۇرعازى لۋدومانيانىڭ تۇبىندە بۇتىندەي جيناقتالعان فاكتورلار جاتىر دەيدى.
– وسىلايشا ادام وزىندەگى وتباسىلىق، كارەراعا قاتىستى، ماحاببات جانە وزگە دە ماسەلەلەرىنەن الشاقتاۋعا تىرىسادى. كەز-كەلگەن جاعدايدا تاۋەلدى ادام ەڭ باسىندا ماسەلەنىڭ بارلىعىن مويىنداپ، مىندەتتى تۇردە ماماندارعا جۇگىنۋى مىندەتتى. جاقىن تۋىستارى، دوستارى العاش بولىپ دابىل قاققانى ءجون، – دەدى ا. تۇرعازى.
ءوز كەزەگىندە ەۋرازيا ۇلتتىق ۋنيۆەرسيتەتىنىڭ دوسەنتى وڭايگۇل تۇرجان بۇكىلالەمدىك جەلىنىڭ كەسىرىنەن ادامداردا ويلاۋ، سويلەۋ جانە جازۋ مادەنيەتى وزگەرگەندىگىنە نازار اۋداردى.
– اقپاراتتىق يممۋنيتەتتىڭ جيناقتالماۋىنا بايلانىستى اقپاراتتى تالداي المايتىن جاستاردىڭ سانى كوبەيدى. جاستاردىڭ پوتەنسيالىن ءتۇرلى پاندىك وليمپيادالارعا، عىلىمي زەرتتەۋلەرگە باعىتتاۋ كەرەك، باسقا سوزبەن ايتقاندا زياتكەرلىك جەتىستىگىن كەڭەيتۋ قاجەت، – دەيدى و. تۇرجان.
ايتا كەتۋ كەرەك، پارتيانىڭ جاستار قاناتى ايماقتاردا ينتەرنەتكە تاۋەلدىلىك پەن قۇمار ويىندار دەڭگەيىن تالداۋ، وسى سالاداعى قازاقستاندىق جانە شەتەلدىك زاڭناماعا ساپالى تالداۋ جۇرگىزۋ، سونداي-اق قۇمار ويىندارى بار سايتتاردىڭ ءتىزىلىمىن جاريالاۋ ءۇشىن ءبىرقاتار فوكۋس-توپتاردى جيناقتاۋدى جوسپارلاپ وتىر.
