«AMANAT» janyndaǵy baspasóz ortalyǵy partiianyń halyqpen keri bailanysynyń, partiialyqtardyń ashyqtyǵy men jariialylyǵyn arttyryp, sondai-aq BAQ-pen jumys isteýde jańa tásilderdi engizýdiń tiimdi quraldarynyń biri bolmaq.
– 1 naýryzda ótken kezekten tys Sezde «AMANAT» Tóraǵasy Qasym-Jomart Toqaev partiiany jańǵyrtý, onyń ishinde sailaýshylarmen keri bailanysty kúsheitýge jáne partiialyqtardyń qoǵammen ashyq jumys isteýin qamtamasyz etýge qatysty negizgi mindetterdi atap ótti. Sailaýaldy baǵdarlamanyń oryndalýy, depýtattyq fraktsiianyń jumysy jáne partiialyq jobalardyń iske asyrylýy týraly jedel aqparat berý maqsatynda búgin kópfýnktsionaldy baspasóz ortalyǵy ashyldy. Bul – partiia qyzmetiniń ashyqtyǵyn qamtamasyz etý jolyndaǵy qadamdardyń biri, – dep atap ótti «AMANAT» partiiasynyń Hatshysy Rinat Kertaev.
Sondai-aq, baspasóz konferentsiialary partiianyń áleýmettik jelidegi jeke paraqshalarynda onlain rejimde kórsetiledi. Baspasóz ortalyǵy jýrnalister men spikerlerge yńǵaily bolý úshin qajetti mýltimedia jabdyǵymen jabdyqtalǵan. «AMANAT» partiiasy janyndaǵy baspasóz ortalyǵynyń jetekshisi bolyp Qymbat Qali taǵaiyndaldy.
– Baspasóz ortalyǵy partiianyń kún tártibindegi ózekti máseleler boiynsha aqparatty talqylaý jáne taratý ornyna ainalýy tiis. Dástúrli baspasóz konferentsiialarynan bólek, iskerlik ári beiresmi jaǵdaida túrli kezdesýler uiymdastyrý úshin dialog alańyn usynamyz, – dedi Qymbat Qali.
Baspasóz máslihatynyń negizgi taqyryptary «AMANAT» partiiasy depýtattyq fraktsiiasynyń zań shyǵarý bastamalary, qoǵamdyq keńester men Respýblikalyq qoǵamdyq qabyldaý bólmesiniń qyzmeti, partiialyq jobalardy iske asyrý jáne sailaýaldy baǵdarlamany oryndaý bolady dep josparlanyp otyr.
