«AMANAT» جانىنداعى باسپا ءسوز ورتالىعى پارتيانىڭ حالىقپەن كەرى بايلانىسىنىڭ، پارتيالىقتاردىڭ اشىقتىعى مەن جاريالىلىعىن ارتتىرىپ، سونداي-اق باق-پەن جۇمىس ىستەۋدە جاڭا تاسىلدەردى ەنگىزۋدىڭ ءتيىمدى قۇرالدارىنىڭ ءبىرى بولماق.
– 1 ناۋرىزدا وتكەن كەزەكتەن تىس سەزدە «AMANAT» ءتوراعاسى قاسىم-جومارت توقايەۆ پارتيانى جاڭعىرتۋ، ونىڭ ىشىندە سايلاۋشىلارمەن كەرى بايلانىستى كۇشەيتۋگە جانە پارتيالىقتاردىڭ قوعاممەن اشىق جۇمىس ىستەۋىن قامتاماسىز ەتۋگە قاتىستى نەگىزگى مىندەتتەردى اتاپ ءوتتى. سايلاۋالدى باعدارلامانىڭ ورىندالۋى، دەپۋتاتتىق فراكسيانىڭ جۇمىسى جانە پارتيالىق جوبالاردىڭ ىسكە اسىرىلۋى تۋرالى جەدەل اقپارات بەرۋ ماقساتىندا بۇگىن كوپفۋنكسيونالدى باسپا ءسوز ورتالىعى اشىلدى. بۇل – پارتيا قىزمەتىنىڭ اشىقتىعىن قامتاماسىز ەتۋ جولىنداعى قادامداردىڭ ءبىرى، – دەپ اتاپ ءوتتى «AMANAT» پارتياسىنىڭ حاتشىسى رينات كەرتايەۆ.
سونداي-اق، باسپا ءسوز كونفەرەنسيالارى پارتيانىڭ الەۋمەتتىك جەلىدەگى جەكە پاراقشالارىندا ونلاين رەجىمدە كورسەتىلەدى. باسپا ءسوز ورتالىعى جۋرناليستەر مەن سپيكەرلەرگە ىڭعايلى بولۋ ءۇشىن قاجەتتى مۋلتيمەديا جابدىعىمەن جابدىقتالعان. «AMANAT» پارتياسى جانىنداعى باسپا ءسوز ورتالىعىنىڭ جەتەكشىسى بولىپ قىمبات قالي تاعايىندالدى.
– باسپا ءسوز ورتالىعى پارتيانىڭ كۇن تارتىبىندەگى وزەكتى ماسەلەلەر بويىنشا اقپاراتتى تالقىلاۋ جانە تاراتۋ ورنىنا اينالۋى ءتيىس. ءداستۇرلى باسپا ءسوز كونفەرەنسيالارىنان بولەك، ىسكەرلىك ءارى بەيرەسمي جاعدايدا ءتۇرلى كەزدەسۋلەر ۇيىمداستىرۋ ءۇشىن ديالوگ الاڭىن ۇسىنامىز، – دەدى قىمبات قالي.
باسپا ءسوز ءماسليحاتىنىڭ نەگىزگى تاقىرىپتارى «AMANAT» پارتياسى دەپۋتاتتىق فراكسياسىنىڭ زاڭ شىعارۋ باستامالارى، قوعامدىق كەڭەستەر مەن رەسپۋبليكالىق قوعامدىق قابىلداۋ بولمەسىنىڭ قىزمەتى، پارتيالىق جوبالاردى ىسكە اسىرۋ جانە سايلاۋالدى باعدارلامانى ورىنداۋ بولادى دەپ جوسپارلانىپ وتىر.
