Oblystyq shtabqa shamamen 80-nen astam adam kirdi. Bul ótken sailaýǵa tikelei qatysqan, tájiribesi mol belgili partiia jáne qoǵam qairatkerleri.
Almaty oblysy boiynsha barlyq deńgeidegi máslihattar depýtattyǵyna barlyǵy 548 adam, onyń ishinde oblystyq máslihatqa – 59, qalalyq máslihatqa – 39, aýdandyq máslihattarǵa – 425 adam óz kandidatýrasyn usyndy. Sonymen birge Parlament Májilisine oblystan 25 kandidat tirkelgen.
Al, partiia filialarynan 211 kandidat sailaýǵa túspekshi. Onyń ishinde 2 Parlament Májilisine, 19 – oblystyq máslihatqa, 12 – qalalyq jáne 178 aýdandyq máslihattarǵa. Partiialyq tizim boiynsha Májiliske 3 kandidat, oblystyq máslihatqa 36 kandidat.
Sonymen qatar 601 sailaý ýchaskesi boiynsha 1803 senim bildirilgen adamnyń tizimderi, baiqaýshylardyń aldyn ala tizimi jasaqtaldy.
Shtabty oblystyq sailaýaldy shtabynyń tóraǵasy Qýat Baiǵodjaev ashty. Onyń aitýynsha, búgingi kúni oblystyq sailaýaldy baǵdarlamasy ázirlendi. Ol partiianyń 2027 jylǵa deiin mindettemelerin jinaqtaǵan.
«Bizdiń birinshi basty maqsatymyz − halyqtyń áleýmettik jaǵdaiyn jaqsartý. Sondyqtan aldymen turǵyndardyń tabys kózin arttyrýdy kózdeimiz. Ol úshin jańa jumys oryndaryn qurýdy josparlap otyrmyz. Qoǵamnyń qozǵaýshy kúshi sanalatyn jastardyń da jaǵdaiyn jaqsartýǵa basa kóńil bóldik. Bul turǵyda olardy qoldaýǵa kúsh salamyz. Sonymen qatar, bizdiń baǵdarlama túrli salany damytýǵa baǵyttalǵan. Qatarynda týrizm, aýyl sharýashylyǵy, bilim jáne densaýlyq, sport jáne infraqurylym bar. Bunyń barlyǵy-halyqtyń ómir súrý sapasyn kóterýge arnaldy», − dedi óz sózinde sóz alǵan Qýat Baiǵodjaev.
Aita keterligi, oblystyq sailaý shtabynda 10 qoǵamdyq qabyldaý bólmesi iske qosylǵan. Olar QR Parlamenti Májilisi men máslihat depýtattyǵyna kandidattarǵa usynystardy, tilekteri men ókimderdi jinaý boiynsha jumys isteidi.
Eske salaiyq, 7 aqpanda partiianyń kezekten tys XXV sezi ótip, onda QR Parlamenti Májilisi men oblystyq máslihattyń depýtattyǵyna kandidattardyń sailaýaldy baǵdarlamasy men partiialyq tizimi tanystyryldy.
Almaty oblystyq máslihaty depýtattarynyń sailaýynda partiialyq tizimdi usynǵan "AMANAT" partiiasy Sailaý qorynyń qarajatynan tólendi.
