وبلىستىق شتابقا شامامەن 80-نەن استام ادام كىردى. بۇل وتكەن سايلاۋعا تىكەلەي قاتىسقان، تاجىريبەسى مول بەلگىلى پارتيا جانە قوعام قايراتكەرلەرى.
الماتى وبلىسى بويىنشا بارلىق دەڭگەيدەگى ءماسليحاتتار دەپۋتاتتىعىنا بارلىعى 548 ادام، ونىڭ ىشىندە وبلىستىق ءماسليحاتقا – 59، قالالىق ءماسليحاتقا – 39، اۋداندىق ءماسليحاتتارعا – 425 ادام ءوز كانديداتۋراسىن ۇسىندى. سونىمەن بىرگە پارلامەنت ماجىلىسىنە وبلىستان 25 كانديدات تىركەلگەن.
ال، پارتيا فيليالارىنان 211 كانديدات سايلاۋعا تۇسپەكشى. ونىڭ ىشىندە 2 پارلامەنت ماجىلىسىنە، 19 – وبلىستىق ءماسليحاتقا، 12 – قالالىق جانە 178 اۋداندىق ءماسليحاتتارعا. پارتيالىق ءتىزىم بويىنشا ماجىلىسكە 3 كانديدات، وبلىستىق ءماسليحاتقا 36 كانديدات.
سونىمەن قاتار 601 سايلاۋ ۋچاسكەسى بويىنشا 1803 سەنىم بىلدىرىلگەن ادامنىڭ تىزىمدەرى، بايقاۋشىلاردىڭ الدىن الا ءتىزىمى جاساقتالدى.
شتابتى وبلىستىق سايلاۋالدى شتابىنىڭ ءتوراعاسى قۋات بايعودجايەۆ اشتى. ونىڭ ايتۋىنشا، بۇگىنگى كۇنى وبلىستىق سايلاۋالدى باعدارلاماسى ازىرلەندى. ول پارتيانىڭ 2027 جىلعا دەيىن مىندەتتەمەلەرىن جيناقتاعان.
«ءبىزدىڭ ءبىرىنشى باستى ماقساتىمىز − حالىقتىڭ الەۋمەتتىك جاعدايىن جاقسارتۋ. سوندىقتان الدىمەن تۇرعىنداردىڭ تابىس كوزىن ارتتىرۋدى كوزدەيمىز. ول ءۇشىن جاڭا جۇمىس ورىندارىن قۇرۋدى جوسپارلاپ وتىرمىز. قوعامنىڭ قوزعاۋشى كۇشى سانالاتىن جاستاردىڭ دا جاعدايىن جاقسارتۋعا باسا كوڭىل بولدىك. بۇل تۇرعىدا ولاردى قولداۋعا كۇش سالامىز. سونىمەن قاتار، ءبىزدىڭ باعدارلاما ءتۇرلى سالانى دامىتۋعا باعىتتالعان. قاتارىندا تۋريزم، اۋىل شارۋاشىلىعى، ءبىلىم جانە دەنساۋلىق، سپورت جانە ينفراقۇرىلىم بار. بۇنىڭ بارلىعى-حالىقتىڭ ءومىر ءسۇرۋ ساپاسىن كوتەرۋگە ارنالدى»، − دەدى ءوز سوزىندە ءسوز العان قۋات بايعودجايەۆ.
ايتا كەتەرلىگى، وبلىستىق سايلاۋ شتابىندا 10 قوعامدىق قابىلداۋ بولمەسى ىسكە قوسىلعان. ولار ق ر پارلامەنتى ءماجىلىسى مەن ءماسليحات دەپۋتاتتىعىنا كانديداتتارعا ۇسىنىستاردى، تىلەكتەرى مەن وكىمدەردى جيناۋ بويىنشا جۇمىس ىستەيدى.
ەسكە سالايىق، 7 اقپاندا پارتيانىڭ كەزەكتەن تىس XXV سەزى ءوتىپ، وندا ق ر پارلامەنتى ءماجىلىسى مەن وبلىستىق ءماسليحاتتىڭ دەپۋتاتتىعىنا كانديداتتاردىڭ سايلاۋالدى باعدارلاماسى مەن پارتيالىق ءتىزىمى تانىستىرىلدى.
الماتى وبلىستىق ءماسليحاتى دەپۋتاتتارىنىڭ سايلاۋىندا پارتيالىق ءتىزىمدى ۇسىنعان "AMANAT" پارتياسى سايلاۋ قورىنىڭ قاراجاتىنان تولەندى.
