"Operator ROP" kompanıasynyń "ýtılızasıalyq alymdy ákimshilendirý jáne tıisti qarajattardy basqarý sheńberindegi qyzmeti toqtatyldy. Ýtılızasıalyq alym qarajaty esebinen qurylǵan aktıvter memleket menshigine berildi" delingen habarlamada.
Kompanıanyń mindetin endi memlekettik "Jasyl damý" AQ atqarady.
11 qańtarda Qazaqstannyń qazirgi prezıdenti ýtılızasıa alymyn jınaıtyn "Operator ROP" kompanıasynyń jumysyn toqtatýdy buıyrǵan. Bul kompanıanyń burynǵy prezıdent Nursultan Nazarbaevtyń Álıa Nazarbaevaǵa qatysy bary aıtylady. Buǵan deıin bılik ýtılızasıa alymyn jınaıtyn "Operator ROP" kompanıasyna keıingi bes jylda 691,9 mlrd teńge qarajat túskenin aıtqan.
Elde burynǵy prezıdent Nursultan Nazarbaevtyń bıligi álsirep, qazirgi prezıdent Qasym-Jomart Toqaevtyń yqpaly artty degen boljam kúsheıgen tusta eks-prezıdenttiń jaqyndary birinen soń biri qyzmetterinen aıyrylyp, elden ketkeni jaıly aqparattar jıi shyǵyp jatyr.
