"Qazaqstan temir joly" Álıa Nazarbaevaǵa tıesili Instant Payments kompanıasymen kelisimshartty buzdy, - dep habarlaıdy Dalanews.kz.
Nazarbaevanyń bul kompanıasy elektron temir jol bıletin satýmen aınalysqan.
"Búginde (Álıa Nazarbaevaǵa tıesili kompanıamen) kelisimshart buzyldy", - dedi QTJ tóraǵasy Nurlan Saýranbaev Senatty jalpy otyrysynan soń.
QTJ basqarma tóraǵasynyń orynbasary Ánýar Ahmetjanovtyń sózinshe, Álıa Nazarbaevanyń kompanıasymen kelisimshart byltyr 1 jeltoqsanda buzylǵan.
"Qazir konkýrstyq negizde "Mobılnyı portal" JSHS jumys istep jatyr. Olar elektrondy temir jol bıletin satýmen aınalysady. Biz olarǵa satylǵan árbir bılet úshin 29 teńge tóleımiz", - dedi orynbasar.
Ánýar Ahmetjanov atalǵan kompanıa quramynda "Eski Qazaqstannyń" yqpaldy adamdary joq ekenin atap ótti.
"Bul – jeke kompanıa. Onyń ıesi kim ekenin reestrden teksere alasyz. Jańa kompanıa basshylyǵynda "Eski Qazaqstandaǵy" tanymal famılıalar joq", - dedi ol.
Aıta keteıik, eks prezıdent Nursultan Nazarbaevtyń kishi qyzy Álıa Nazarbaeva 2014 jyldan beri onlaın bılet satý arqyly tabys taýyp otyrǵan. Iaǵnı ár satylǵan bıletten aqsha túsip otyrǵan. QTJ-men kelisimshart 2023 jyldyń 31 jeltoqsanyna deıin jasalǵan. Alaıda QTJ qańtar oqıǵasynan keıin Álıa Nazarbaevanyń kompaıasymen kelisim shartty buzýǵa sheshim qabyldaǵan.
Keıbir derekter boıynsha, Nazarbaeva 9 jylda ár onlaın satylǵan bıletten 5,7 mıllıard teńge tabys tapqan.
