Qaraǵandy oblysyndaǵy «Abyz» altyn-polimetall ken ornynda geologiialyq barlaý jumysy jalǵasýda. Búginde 2 600 qýma metrden astam burǵylaý jumysy júrgizildi. Bul josparlanǵan 5 100 metr kólemniń jartysynan astamy, dep habarlaidy dalanews.kz.
Baǵdarlama aiasynda tereńdigi 800-den 1 200 metrge deiingi alty uńǵyma burǵylaý kózdelgen. Alynǵan kernge keshendi geologiialyq zertteý júrgiziledi. Bul ken ornynyń tereń deńgeijiekteriniń qurylymyn naqtylaýǵa jáne bolashaǵy bar ýchaskelerdi aiqyndaýǵa múmkindik beredi.
Tereń burǵylaý – «Qazaqmys» kompaniiasynyń mineraldyq-shikizat qoryn damytý quraldarynyń biri. Qoldanystaǵy ken oryndaryn tereńdikte zertteý olardyń aldaǵy áleýetin baǵalaýǵa jáne bolashaqtaǵy geologiialyq barlaý jumysynyń baǵyttaryn aiqyndaýǵa múmkindik beredi.
2026 jyly jańa basqarý komandasynyń kelýimen Qazaqmys geologiialyq barlaý baǵytyn kúsheitip, kompaniia jumys isteitin óńirlerdegi bolashaǵy bar ýchaskelerdi zertteý aýqymyn keńeitti.
«Abyz» ken ornynda tereń burǵylaý baǵdarlamasyn 2026 jyldyń sońyna deiin aiaqtaý josparlanyp otyr.
