"قازاقستان تەمٸر جولى" ەلييا نازارباەۆاعا تيەسٸلٸ Instant Payments كومپانيياسىمەن كەلٸسٸمشارتتى بۇزدى, - دەپ حابارلايدى Dalanews.kz.
نازارباەۆانىڭ بۇل كومپانيياسى ەلەكترون تەمٸر جول بيلەتٸن ساتۋمەن اينالىسقان.
"بٷگٸندە (ەلييا نازارباەۆاعا تيەسٸلٸ كومپانييامەن) كەلٸسٸمشارت بۇزىلدى", - دەدٸ قتج تٶراعاسى نۇرلان ساۋرانباەۆ سەناتتى جالپى وتىرىسىنان سوڭ.
قتج باسقارما تٶراعاسىنىڭ ورىنباسارى ەنۋار احمەتجانوۆتىڭ سٶزٸنشە, ەلييا نازارباەۆانىڭ كومپانيياسىمەن كەلٸسٸمشارت بىلتىر 1 جەلتوقساندا بۇزىلعان.
"قازٸر كونكۋرستىق نەگٸزدە "موبيلنىي پورتال" جشس جۇمىس ٸستەپ جاتىر. ولار ەلەكتروندى تەمٸر جول بيلەتٸن ساتۋمەن اينالىسادى. بٸز ولارعا ساتىلعان ەربٸر بيلەت ٷشٸن 29 تەڭگە تٶلەيمٸز", - دەدٸ ورىنباسار.
ەنۋار احمەتجانوۆ اتالعان كومپانييا قۇرامىندا "ەسكٸ قازاقستاننىڭ" ىقپالدى ادامدارى جوق ەكەنٸن اتاپ ٶتتٸ.
"بۇل – جەكە كومپانييا. ونىڭ يەسٸ كٸم ەكەنٸن رەەستردەن تەكسەرە الاسىز. جاڭا كومپانييا باسشىلىعىندا "ەسكٸ قازاقستانداعى" تانىمال فاميلييالار جوق", - دەدٸ ول.
ايتا كەتەيٸك, ەكس پرەزيدەنت نۇرسۇلتان نازارباەۆتىڭ كٸشٸ قىزى ەلييا نازارباەۆا 2014 جىلدان بەرٸ ونلاين بيلەت ساتۋ ارقىلى تابىس تاۋىپ وتىرعان. ياعني ەر ساتىلعان بيلەتتەن اقشا تٷسٸپ وتىرعان. قتج-مەن كەلٸسٸمشارت 2023 جىلدىڭ 31 جەلتوقسانىنا دەيٸن جاسالعان. الايدا قتج قاڭتار وقيعاسىنان كەيٸن ەلييا نازارباەۆانىڭ كومپايياسىمەن كەلٸسٸم شارتتى بۇزۋعا شەشٸم قابىلداعان.
كەيبٸر دەرەكتەر بويىنشا, نازارباەۆا 9 جىلدا ەر ونلاين ساتىلعان بيلەتتەن 5,7 ميلليارد تەڭگە تابىس تاپقان.
