Soltústik Qazaqstan oblysynda zańsyz taksi qyzmetin kórsetken sheteldik azamat elden shyǵaryldy, dep habarlaidy dalanews.kz.
Petropavl turǵyny taksi júrgizýshisiniń dórekiligine shaǵymdanǵan. Ótinishti tekserý barysynda politseiler júrgizýshi, iaǵni 42 jastaǵy shetel azamaty kóshi-qon zańnamasyn buzǵanyn anyqtaǵan.
"Ol jolaýshylar tasymalymen ainalysqan. Alaida Qazaqstanǵa kirgen kezde kelý maqsaty retinde jumysty nemese kásipkerlik qyzmetti kórsetpegen. Buǵan qosa, buǵan deiin de dál osy sebeppen ákimshilik jaýapkershilikke tartylǵan. Tártip saqshylary bir jyl ishinde qaitalap jasalǵan quqyqbuzýshylyq boiynsha material jinap, ákimshilik sotqa joldady. Sot sheshimimen er adamǵa bir táýlikke ákimshilik qamaý jazasy taǵaiyndalyp, keiin Qazaqstannan bes jyl merzimge shyǵarý belgilendi", - dep jazylǵan habarlamada.
Jyl basynan beri Soltústik Qazaqstan oblysynda 679 sheteldik azamat ákimshilik jaýapkershilikke tartylǵan.
