Almaty jáne Jetisý oblystaryn tabiǵi gazben qamtý jumystarynyń qarqynyna qatysty másele kóterildi. Quryltai depýtaty Nurbaqyt Teńizbaev óńirlerdegi gazdandyrý jobalaryn jedeldetý qajet ekenin aitty, dep habarlaidy dalanews.kz.
Depýtattyń málimetinshe, qazirgi tańda Almaty oblysynda 27, al Jetisý oblysynda 44 gazdandyrý jobasynyń qujattamasy daiyndalǵan. Iaǵni eki óńirde jalpy 71 joba iske asyrýǵa ázir.
Sonymen qatar Kegen jáne Raiymbek aýdandaryn tabiǵi gazben qamtamasyz etýge baǵyttalǵan «Shelek – Kegen – Narynqol» magistraldyq gaz qubyrynyń jobasy da daiyndalǵan.
Nurbaqyt Teńizbaev gazdandyrý máselesiniń uzaq ýaqyt boiy sheshilmei kele jatqanyn aityp, óńirlerdegi jumysty jedeldetýdiń mańyzyn atap ótti.
«Búginde Almaty jáne Jetisý oblystaryn tabiǵi gazben qamtamasyz etý – ózekti máseleniń biri. Memleket basshysy da bul máselege airyqsha mán berip otyr. Sondyqtan óńirlerdegi gazdandyrý jumysyna jańa qarqyn berýimiz qajet», – dedi Nurbaqyt Teńizbaev.
Depýtattyń aitýynsha, daiyn jobalardy iske asyrý óńir turǵyndaryn tabiǵi gazben qamtý aýqymyn keńeitýge múmkindik beredi.
