Ońtústik Koreianyń Seýl qalasynda qurylys alańynda jumys istegen Qazaqstan azamaty qaza tapty. Aqparatty Qazaqstan Syrtqy ister ministrligi rastady, dep habarlaidy dalanews.kz.
Jergilikti buqaralyq aqparat quraldarynyń habarlaýynsha, oqiǵa 29 qyrkúiekte bolǵan. Qazaqstandyq azamat ǵimarattyń 23-qabatynda jumys júrgizip jatqan kezde beton tóbeniń bir bóligi qulap, aýyr jaraqat alǵan. Qaiǵyly jaǵdaidan keiin Ońtústik Koreianyń Eńbek ministrligi qurylys nysanyndaǵy barlyq jumysty ýaqytsha toqtatý týraly sheshim qabyldady.
Qazaqstannyń diplomatiialyq ókilderi marqumnyń jaqyndarymen bailanys ornatyp, olarǵa qajetti konsýldyq qoldaý kórsetip jatqanyn habarlady. Qazir oqiǵanyń naqty sebepteri men barlyq mán-jaiyn Ońtústik Koreianyń quzyrly organdary tekserip jatyr.
