وڭتٷستٸك كورەيانىڭ سەۋل قالاسىندا قۇرىلىس الاڭىندا جۇمىس ٸستەگەن قازاقستان ازاماتى قازا تاپتى. اقپاراتتى قازاقستان سىرتقى ٸستەر مينيسترلٸگٸ راستادى, دەپ حابارلايدى dalanews.kz.
جەرگٸلٸكتٸ بۇقارالىق اقپارات قۇرالدارىنىڭ حابارلاۋىنشا, وقيعا 29 قىركٷيەكتە بولعان. قازاقستاندىق ازامات عيماراتتىڭ 23-قاباتىندا جۇمىس جٷرگٸزٸپ جاتقان كەزدە بەتون تٶبەنٸڭ بٸر بٶلٸگٸ قۇلاپ, اۋىر جاراقات العان. قايعىلى جاعدايدان كەيٸن وڭتٷستٸك كورەيانىڭ ەڭبەك مينيسترلٸگٸ قۇرىلىس نىسانىنداعى بارلىق جۇمىستى ۋاقىتشا توقتاتۋ تۋرالى شەشٸم قابىلدادى.
قازاقستاننىڭ ديپلوماتييالىق ٶكٸلدەرٸ مارقۇمنىڭ جاقىندارىمەن بايلانىس ورناتىپ, ولارعا قاجەتتٸ كونسۋلدىق قولداۋ كٶرسەتٸپ جاتقانىن حابارلادى. قازٸر وقيعانىڭ ناقتى سەبەپتەرٸ مەن بارلىق مەن-جايىن وڭتٷستٸك كورەيانىڭ قۇزىرلى ورگاندارى تەكسەرٸپ جاتىر.
