«Áliia» án baiqaýy Kentaýdy áserli ánmen áldiledi
Sáni men saltanaty jarasqan sahnada sóz alǵan qala ákimi Ábdibaqyt Maqulbaev alǵash ret 1999 jyly bastaý alyp, keiinnen toqtap qalǵan baiqaý «Bolashaqqa baǵdar: rýhani jańǵyrý» baǵdarlamasy aiasynda qaita jańǵyryp otyrǵandyǵyn jetkizdi. Áigili kompozitor, Qazaqstanǵa Eńbek sińirgen óner qairatkeri S.Báiterekovtyń ómiri men óner jolyna arnaiy toqtalyp, baiqaýǵa qatysýshylarǵa sáttilik tiledi.
Jalpy baiqaýǵa oblys aýmaǵynan 16 jas oryndaýshy qatysyp, kompozitordyń ánderin oryndady.
Ánshi, kompozitor, QR Eńbek sińirgen ártisi Marat Omarov tóraǵalyq etken ádil qazylar alqasynyń quramynda QR Halyq ártisi, professor Qajybek Bekbosynov, S.Báiterekovtyń jubaiy Lázzat Ahanova, kompozitor Bekjigit Serdáli, S.Báiterekov atyndaǵy halyqaralyq «Áliia» festivaliniń 1999 jylǵy gran-pri júldegeri Maqsat Aitjanov jáne S.Báiterekov atyndaǵy mýzyka mektebiniń direktory Amanbek Tursynbekov boldy.
Qorytyndysynda Sozaq aýdanynan kelgen Talǵat Sozaqbai bas júldeni jeńip aldy. Birinshi oryn jerlesimiz Balymsha Sabyrǵa buiyrsa, Keles aýdanynan kelgen Beksultan Otarbekov ekinshi oryndy ielendi. Úshinshi oryndy Arystyq Seiilhan Erdos pen Tólebilik Janiia Tólepbergen ózara bólisti.
Budan bólek Báidibekten kelgen Qýat Qasenov «Sahna sheberi», Otyrarlyq Uljalǵas Ábildahan «Eń jas oryndaýshy», Qazyǵurttyq Nurbek Qojatov «Kórermen kózaiymy» nominatsiialaryn jeńip aldy.
