Aqtóbede ótken Alash qozǵalysynyń 100 jyldyǵyna arnalǵan konferentsiia kezinde professor Amangeldi Aitaly Álihan Bókeihannyń eńbekterine toqtaldy. Onda Aitaly Alash qairatkeriniń nadandyq týraly sózin mysalǵa keltirgen.
Bul týraly Aktobenews.kz habarlady.
«Nadan jurt aldyńǵy mádeni jurttyń kiip tastaǵan kiimin kiedi». Bul Álihan Bókeihannyń sózi. Biz, qazaq, sol nadan jurtpyz. Orystyń kiip tastaǵan kiimin, batystyń kiip tastaǵan kiimin kiiý, elikteý, sóite tura tyrashtaný, basqanyń jolymen júrý, ózińdi buryn qorlaǵan, otarlaǵan halyqtyń mádenieti men psihologiiasyna elikteý, ainalyp kelgende, ulttyń damýyna balta shabady», — dedi Amangeldi Aitaly.
Alash qairatkeri Álihan Bókeihan 1919 jyly óz tegin ózgertip, «ov» jalǵaýyn alyp tastady. Otarshyl eldi buryn bolmaǵan jaǵdai tirkeldi. Amangeldi Aitaly sol kúnge qazaq urpaǵynyń endi qol jetkizgenin aitty.
«Álihan – ulttyq kontseptsiia, qazaq ultynyń negizgi platformasyn, bolashaǵyn jasaǵan qairatker. Meniń oiymsha, alashqa bir ýniversitet qabyrǵasynda emes, oblys, respýblika deńgeiinde ǵylymi konferentsiialar ótýi kerek. Bizdiń aityp júrgen isterimizdiń artynda Alash tur.
Álihan Bókeihandai lider bolǵan emes, búgin de joq.
Sebebi, bul jerde ol óziniń qara basyn oilaǵan emes. Shetelge ketkisi kelmedi, osy elde qalǵasy keldi. Búgingi júregim Qazaqstanda, kapitalym shetelde júrgen zamanda Álihan Bókeihan biz úshin bólek tulǵa», — dedi Amangeldi Aitaly
