اقتوبەدە وتكەن الاش قوزعالىسىنىڭ 100 جىلدىعىنا ارنالعان كونفەرەنسيا كەزىندە پروفەسسور امانگەلدى ايتالى ءاليحان بوكەيحاننىڭ ەڭبەكتەرىنە توقتالدى. وندا ايتالى الاش قايراتكەرىنىڭ ناداندىق تۋرالى ءسوزىن مىسالعا كەلتىرگەن.
بۇل تۋرالى Aktobenews.kz حابارلادى.
«نادان جۇرت الدىڭعى مادەني جۇرتتىڭ كيىپ تاستاعان كيىمىن كيەدى». بۇل ءاليحان بوكەيحاننىڭ ءسوزى. ءبىز، قازاق، سول نادان جۇرتپىز. ورىستىڭ كيىپ تاستاعان كيىمىن، باتىستىڭ كيىپ تاستاعان كيىمىن كيۋ، ەلىكتەۋ، سويتە تۇرا تىراشتانۋ، باسقانىڭ جولىمەن ءجۇرۋ، ءوزىڭدى بۇرىن قورلاعان، وتارلاعان حالىقتىڭ مادەنيەتى مەن پسيحولوگياسىنا ەلىكتەۋ، اينالىپ كەلگەندە، ۇلتتىڭ دامۋىنا بالتا شابادى»، — دەدى امانگەلدى ايتالى.
الاش قايراتكەرى ءاليحان بوكەيحان 1919 جىلى ءوز تەگىن وزگەرتىپ، «وۆ» جالعاۋىن الىپ تاستادى. وتارشىل ەلدى بۇرىن بولماعان جاعداي تىركەلدى. امانگەلدى ايتالى سول كۇنگە قازاق ۇرپاعىنىڭ ەندى قول جەتكىزگەنىن ايتتى.
«ءاليحان – ۇلتتىق كونسەپسيا، قازاق ۇلتىنىڭ نەگىزگى پلاتفورماسىن، بولاشاعىن جاساعان قايراتكەر. مەنىڭ ويىمشا، الاشقا ءبىر ۋنيۆەرسيتەت قابىرعاسىندا ەمەس، وبلىس، رەسپۋبليكا دەڭگەيىندە عىلىمي كونفەرەنسيالار ءوتۋى كەرەك. ءبىزدىڭ ايتىپ جۇرگەن ىستەرىمىزدىڭ ارتىندا الاش تۇر.
ءاليحان بوكەيحانداي ليدەر بولعان ەمەس، بۇگىن دە جوق.
سەبەبى، بۇل جەردە ول ءوزىنىڭ قارا باسىن ويلاعان ەمەس. شەتەلگە كەتكىسى كەلمەدى، وسى ەلدە قالعاسى كەلدى. بۇگىنگى جۇرەگىم قازاقستاندا، كاپيتالىم شەتەلدە جۇرگەن زاماندا ءاليحان بوكەيحان ءبىز ءۇشىن بولەك تۇلعا»، — دەدى امانگەلدى ايتالى
