Antikor basshysy Qarasai jáne Ile aýdandarynyń aýyldyq okrýg ákimdikterin aralap, óńirlerdiń ákimderine qyzmet kórsetýdiń servistik modeline kóshý qajettiligi týraly usynystar berdi.
Alik Shpekbaev toqtaǵan, nysannyń biri Qarasai aýdany Bereke kentiniń Mádeniet úii boldy, onda Antikor jáne Mádeniet pen sport ministrliginiń «Parasat joly» jobasy óz jumysyn bastady. Jergilikti turǵyndar osy bastamany qoldai otyryp, qoǵamda ulttyq mádeniet pen rýhaniiat qundylyqtaryn ilgeriletý jumystaryna daiyn ekendikterin bildirdi.
Sondai-aq, Tóraǵa Ile aýdanynyń Ótegen batyr kentinde Almaty oblysynyń azamattyq sektor, biznes-qoǵamdastyq ókilderimen, memlekettik jáne jergilikti atqarýshy organdarymen jumys kezdesýin ótkizdi.
Is-sharaǵa aqparattyq-aǵartý shtabynyń, arnaiy monitoringtik toptyń ókilderi, oblystyń Filip Morris Qazaqstan, Mareven Fýd Tian-Shan, Aziia Agro fýd syndy iri ónerkásiptik jáne azyq-túlik kompaniialarynyń basshylary qatysty.
Óz sózinde Agenttik Tóraǵasy sybailas jemqorlyqqa qarsy saiasatty iske asyrýda azamattyq baqylaýdy kúsheitýdiń jáne azamattar men memlekettik qyzmetshiler arasynda aqparattyq-túsindirý jumystaryn jandandyrýdyń mańyzdylyǵyn atap ótti. "Sybailas jemqorlyqqa qarsy tabysty is-qimylda negizgi ekpin aldyn alý sharalaryna qoiylady, onyń basshysy azamattyq baqylaý institýty jáne jaýapty, parasatty biznes", - dep atap ótti ol.
Osy turǵyda, kásipkerlik qoǵamdastyqqa arnaǵan sózinde Alik Shpekbaev táýekelderdi basqarý men ishki baqylaý sheńberindegi tiimdi qural retinde komplaens-qyzmetter institýtyn zańnamalyq aiqyndaýǵa nazar aýdardy, sondai-aq jeke kompaniialardyń basshylaryn osy júieni óz kásiporyndaryna engizýge shaqyrdy.
Sonymen qatar, Alik Shpekbaev shendilerge «sybailas jemqorlyqtyń aldyn alý baǵytynda birinshiden qoǵamdyq baqylaýdy kúsheitý kerek»,- dep basa aitty.
Taza qoǵamdy qalyptastyrý jolynda memlekettik qyzmettegi jumys istep júrgen basshylardyń ary, oiy, júregi, qoly taza bolsa sol ujymdarda jemqorlyqqa jol berilmeitindigin Tóraǵa myrza kóptiń qaperine saldy.
Tiimdi memlekettik qyzmet kórsetýdi jetildirý jáne sybailas jemqorlyqtyń tamyryna balta shabýdy kózdegen kezdesý sońynda Agenttik Tóraǵasyna Almaty oblysynyń jergilikti atqarýshy organdarynyń óńirde qabyldanyp jatqan sybailas jemqorlyqqa qarsy sharalar boiynsha jumysy tanystyryldy, al azamattyq sektor ókilderi sybailas jemqorlyqty aldyn alý máselelerinde aldaǵy kezeńge arnalǵan óz josparlary týraly aityp berdi.
