Kezdesýge aýdandyq máslihat depýtattary, aýyldyq okrýg, poselke ákimderi, derbes bólim basshylary, sharýa qojalyqtarynyń tóraǵalary, qoǵamdyq uiymdardyń jetekshileri, aýdan turǵyndary jáne bilim, densaýlyq saqtaý salalarynyń qyzmetkerleri, aýdandyq buqaralyq aqparat quraldarynyń ókilderi qatysy.
Jiyndy Otyrar aýdany ákimi Erlan Aitahanov ashyp, júrgizip otyrdy. Kezdesýde sóz alǵan senator aǵymdaǵy jyldyń 5 qazan kúngi Elbasymyz Nursultan Nazarbaevtyń «Qazaqstandyqtardyń ál-aýqatynyń ósýi: tabys pen turmys sapasyn arttyrý» atty Joldaýynyń basty baǵyttaryna jeke-jeke toqtalyp, Ult Kóshbasshysynyń «Bolashaqqa baǵdar: rýhani jańǵyrý» baǵdarlamalyq maqalasynyń ulttyq kodymyzǵa, bolmysymyz ben sanamyzdyń damýyna mańyzy óte zor ekendigin áńgimege arqaý etti. Senator óz sózinde:
– Memleket Basshysynyń jyl saiynǵy Joldaýlaryn bir-birinen bólip qaraýǵa bolmaidy. Barlyǵyn da bir-birin tolyqtyryp, bir-birimen úndesip jatqan mańyzdy, strategiialyq qujat. Biylǵy Joldaýdyń máni tereńde jatyr. Óitkeni Prezidentimiz halyqtyń kókeiinde júrgen máselelerdi qozǵap, halyq tabysynyń ósýi, kásipkerlikti damytý, turmys sapasyn arttyrý sekildi mindetterdi júktedi. El turǵyndarynyń ómiri men sapaly turmysyn jaqsartýda, ekonomikasy damyǵan, áleýeti joǵary memleket qalyptastyrýda atalǵan mindetterdiń mańyzy zor, – dep halyq qalaýlysy Joldaýdyń negizgi basym baǵyttaryn egjei-tegjei túsinikti etip baiandady.
Sondai-aq sóz barysynda jeke kásipker Úrlaiym Baitemirova Joldaýda aitylǵan jańalyqtardy qýana qarsy alǵanyn aityp, osy qujattyń arqasynda elimizdiń halqynyń ál-aýqaty birshama jaqsaryp, kásipkerlerge bolashaqqa nyq qadam basýǵa talpynys beretinin sóz etip, aýdan kásipkerlerin ózderine berilgen úlken múmkindikterdi paidalanyp, belsendi jumys jasaýǵa shaqyrdy.
Jiynǵa qatysýshylar Parlament Senatynyń depýtatyna kókeidegi saýaldaryn qoiyp, tushymdy jaýaptar aldy.
– Biylǵy Joldaý eldiń áleýmettik-ekonomikalyq damýynyń ózekti máselelerine jáne qazaqstandyqtardyń turmystyq jaǵdaiyn odan ári jaqsartý mindetterine arnaldy. Tarihi mańyzy zor qujatta eldiń birligin nyǵaitatyn, áleýetin arttyratyn jumystardy júieli jolǵa qoiýdyń qadamdary, ár salanyń, kásibi mamannyń jaýapkershiligin shirata túsetin tetikter anyq kórsetildi. Ásirese, «Pedagog mártebesi týraly» zańdy ázirlep, qabyldanýy pedagog mamandyǵynyń bedelin kóterý maqsatynda qabyldanatyny sózsiz. Sondai-aq, Elbasy kelesi jyldy «Jastar jyly» dep jariialaýǵa usynýynyń ózi jastardyń barlyq sanatyn qoldaý dep túsinýimizge bolady. Ómir ózgerýde, bul jaǵdaida durys qadam jasap, oń jaýap qatý mańyzdy. Al Prezidenttiń jańa bastamasy Qazaqstan halqynyń igiligine júzege asary anyq. Memleket Basshysynyń Qazaqstan halqyna arnaǵan Joldaýyn aýdan halqyna keńinen túsindirip, jan-jaqty áńgimelep bergenińiz úshin Otyrar aýdany turǵyndarynyń atynan shynaiy alǵysymdy bildiremin, – dep jiyndy qorytyndylady.
