18 jyldan keiin Rýstam Ibragimov "Zlobnaia tateshka" YouTube-arnasyna bergen suhbatynda saiasatker Sársenbaevtyń ólimine qatysty aýyr qylmystyń mán-jaiyn aitty, - dep habarlaidy Dalanews.kz.
Belgili saiasatker Altynbek Sársenbaev, onyń eki kómekshisi Vasilii Jýravlev pen Baýyrjan Baibosynnyń ólimi áli kúnge deiin jumbaq kúiinde qalyp otyr. 18 jyldan keiin de bul qylmystyń qupiiasy ashylmady.
2006 jyly aqpanda Almaty oblysynyń Talǵar aýdanynda Kóktóbe kenti men 12-brigada kenti arasynda jol jieginen Altynbek Sársenbaev pen onyń kómekshileriniń máiitteri tabylǵan bolatyn. Keiin Senat apparatynyń basshysy Erjan Ótembaev qamaýǵa alynǵany týraly aqparat paida boldy.
Al Rústem Ibragimov suhbatta Altynbek Sársenbaevtyń ólimine qatysy baryn tolyǵymen joqqa shyǵardy. Onyń aitýynsha, kisi óltirýge tapsyrys berýshiler - Rahat Áliev pen Álnur Musaev.
Sonymen qatar, onyń málimdeýinshe, olar qalai jaýap berý keregine nusqaý bergen, Qalmuhanbet Qasymov, Baýyrjan Muhamedjanov jáne Rashid Túsipbekov te osy qatarda bolǵan.
Federaldy tergeý biýrosy qyzmetkerleri Ibragimovty shyndyq detektory arqyly da teksergen, bul onyń óltirmegenin kórsetipti. Alaida bul qylmystyq iske aralastyrylmaǵan.
Sonymen qatar, Ibragimov Altynbek Sársenbaevtyń, onyń júrgizýshisi Vasilii Jýravlevtiń jáne oqqaǵary Baýyrjan Baibosynnyń deneleri tabylǵan jerge ákelinip qoiylǵanyn, olar bul jerde óltirilmegenin aitady.
