Tanymal kompozıtor, kóptegen hıt ánderdniń avtory Altynbek Qorazbaev jas kezinde Maqpal Júnisovany unatyp, oǵan án arnaǵanyn moıyndady, dep habarlaıdy Dalanews.kz.

«Uıqym kelmeıdi» baǵdarlamasyna qonaq bolǵan óner ıesi otyz jyl burynǵy oqıǵalardy esine alyp, estelikterin bólisti.

"Men shyn ǵashyq bolsam, uryp-jyǵatyn qasıetim bar. Ázil-shyny aralas, Maqpalǵa ǵashyq bolǵanym ras. Qýyrshaqtaı qyz edi. Osydan 33 jyl buryn «Máńgilik mahabbatym» degen ándi Ábdirahman Asylbekke jazdyrdym. 21 jastaǵy Maqpal sol ándi oryndaǵan. Qyz kúninde salmaǵy 25 kelige de jetpeıtin. Alaqanǵa salyp, kóterip turýǵa keletin, shynashaqtaı qyz edi. Biraq júregi keń, ónerge tazalyǵy kórinip turatyn", - dedi Altynbek Qorazbaev.

Ol ánshini «Gúlder» ansámblimen birge dúrkirep turǵan kezinde unatqanyn jasyrmady.

"Biraq júrekti ǵashyq boldym dep bóle almaısyń. Zamanbek Nurqadilovke turmysqa shyqqan soń, jeńge dedim. Qazir aǵamyzdyń kózi ketken soń, ol meni «aǵa» dep júr", dep ázildedi kompozıtor.