Josparǵa 40 túrli is-sharalar, onyń ishinde "Batys Qazaqstannyń Altyn Orda dáýirindegi ejelgi kerýen joldary men kerýen-saraılary: kerýen saraılar málimetteri bazasyn zertteý jáne qurý" jobasyn iske asyrý kiredi, sonymen qatar:
- Altyn Orda kezeńindegi Saraıshyq qalashyǵyn qalpyna keltirý boıynsha arheologıalyq jumystar júrgizý (2020 jylǵa - 29,7 mln teńge, 2021 jylǵa - 21,1 mln teńge, 2022 jylǵa - 19,2 mln teńge);
- "Joshy han" kesenesiniń janynda týrısik keshenniń qurylysy (800 mln teńge);
- QR Ulttyq mýzeıinde "Altyn Orda jáne Qazaq handyǵy zaldary" ekspozısıasyn qurý (175,1 mln teńge);
- "Ulytaý" ulttyq tarıhı-mádenı jáne tabıǵı murajaı-qoryǵynyń qabyldaý ortalyǵynyń qurylysyn aıaqtaý jáne abattandyrý (150 mln tg. + 180 mln teńge);
- Ulttyq jáne halyqaralyq is-sharalardy, onyń ishinde kóshpendilerdiń mádenıeti, Jezkıik-2020, Ulytaý-2020 mýzykalyq festıválderin uıymdastyrý (RB - 174 mln teńge, JB - 248 mln teńge);
- QR Ulttyq murajaıynda "Altyn Orda: Memlekettik Ermıtaj koleksıasynan" kórmesin ótkizý (170,4 mln teńge);
- Altyn Orda, Joshy han, Alasha han jáne basqalary týraly derekti fılmderdiń ǵylymı-tanymdyq sıkly (132,8 mln teńge);
- Nur-Sultan qalasynda Altyn Ordanyń tarıhı-mádenı murasyna arnalǵan qorytyndy halyqaralyq konferensıany ótkizý (52 mln teńge);
- Ulytaý aýyly mańynda týrıserdi qabyldaıtyn etno-aýyl qurý (350 mln teńge);
Jalpy, "Ulyq Ulysty" toılaýǵa qajetti is-sharalar josparyn iske asyrý úshin 3,5 mlrd teńge qajet bolady.
Buǵan deıin Memleket basshysy Qasym-Jomart Toqaev Altyn Orda qazaqtardyń mádenı kody bop tabylatynyn aıtqan bolatyn. Onyń aıtýynsha, "jas urpaqty patrıotızm men Otanǵa degen súıispenshilik rýhynda tárbıeleý úshin Ulytaýdyń tarıhy men murasyn paıdalaný qajet".
