جوسپارعا 40 ءتۇرلى ءىس-شارالار، ونىڭ ىشىندە "باتىس قازاقستاننىڭ التىن وردا داۋىرىندەگى ەجەلگى كەرۋەن جولدارى مەن كەرۋەن-سارايلارى: كەرۋەن سارايلار مالىمەتتەرى بازاسىن زەرتتەۋ جانە قۇرۋ" جوباسىن ىسكە اسىرۋ كىرەدى، سونىمەن قاتار:
- التىن وردا كەزەڭىندەگى سارايشىق قالاشىعىن قالپىنا كەلتىرۋ بويىنشا ارحەولوگيالىق جۇمىستار جۇرگىزۋ (2020 جىلعا - 29،7 ملن تەڭگە، 2021 جىلعا - 21،1 ملن تەڭگە، 2022 جىلعا - 19،2 ملن تەڭگە)؛
- "جوشى حان" كەسەنەسىنىڭ جانىندا تۋريستىك كەشەننىڭ قۇرىلىسى (800 ملن تەڭگە)؛
- ق ر ۇلتتىق مۋزەيىندە "التىن وردا جانە قازاق حاندىعى زالدارى" ەكسپوزيسياسىن قۇرۋ (175،1 ملن تەڭگە)؛
- "ۇلىتاۋ" ۇلتتىق تاريحي-مادەني جانە تابيعي مۇراجاي-قورىعىنىڭ قابىلداۋ ورتالىعىنىڭ قۇرىلىسىن اياقتاۋ جانە اباتتاندىرۋ (150 ملن تگ. + 180 ملن تەڭگە)؛
- ۇلتتىق جانە حالىقارالىق ءىس-شارالاردى، ونىڭ ىشىندە كوشپەندىلەردىڭ مادەنيەتى، جەزكيىك-2020، ۇلىتاۋ-2020 مۋزىكالىق فەستيۆالدەرىن ۇيىمداستىرۋ (رب - 174 ملن تەڭگە، جب - 248 ملن تەڭگە)؛
- ق ر ۇلتتىق مۇراجايىندا "التىن وردا: مەملەكەتتىك ەرميتاج كوللەكسياسىنان" كورمەسىن وتكىزۋ (170،4 ملن تەڭگە)؛
- التىن وردا، جوشى حان، الاشا حان جانە باسقالارى تۋرالى دەرەكتى فيلمدەردىڭ عىلىمي-تانىمدىق سيكلى (132،8 ملن تەڭگە)؛
- نۇر-سۇلتان قالاسىندا التىن وردانىڭ تاريحي-مادەني مۇراسىنا ارنالعان قورىتىندى حالىقارالىق كونفەرەنسيانى وتكىزۋ (52 ملن تەڭگە)؛
- ۇلىتاۋ اۋىلى ماڭىندا تۋريستەردى قابىلدايتىن ەتنو-اۋىل قۇرۋ (350 ملن تەڭگە)؛
جالپى، "ۇلىق ۇلىستى" تويلاۋعا قاجەتتى ءىس-شارالار جوسپارىن ىسكە اسىرۋ ءۇشىن 3،5 ملرد تەڭگە قاجەت بولادى.
بۇعان دەيىن مەملەكەت باسشىسى قاسىم-جومارت توقايەۆ التىن وردا قازاقتاردىڭ مادەني كودى بوپ تابىلاتىنىن ايتقان بولاتىن. ونىڭ ايتۋىنشا، "جاس ۇرپاقتى پاتريوتيزم مەن وتانعا دەگەن سۇيىسپەنشىلىك رۋحىندا تاربيەلەۋ ءۇشىن ۇلىتاۋدىڭ تاريحى مەن مۇراسىن پايدالانۋ قاجەت".
