Astana qalasynyń turǵyndary jumysshy mamandyqtar jylyna orai uiymdastyrylǵan respýblikalyq «Altaidan Oralǵa deiin» velosherýiniń qatysýshylaryn sán-saltanatpen qarsy aldy, – dep habarlaidy Dalanews.kz
Saryarqa aýdanyndaǵy Kóktal saiabaǵynda olardy Astana qalasy Dene shynyqtyrý jáne sport basqarmasy basshysynyń orynbasary Azamat Aǵzamov, Bilim basqarmasy basshysynyń orynbasary Marjan Qaiyrbaeva, Týrizm jáne sport ministrligi Sport jáne dene shynyqtyrý isteri komitetiniń buqaralyq sportty damytý bóliminiń basshysy Jandos Mahmutuly, sol siiaqty eńbek ujymdary, kolledj stýdentteri jáne sportsúier qaýym zor yqylaspen quttyqtap, qoshemet kórsetti.
Bul respýblikalyq velosherý – jumysshy mamandyqtarynyń qoǵamdaǵy mártebesin arttyrýǵa arnalǵan mańyzdy shara. Mundai bastamalar eńbektiń qadirin aiqyndap, tehnikalyq jáne óndiristik salalarǵa jastardyń qyzyǵýshylyǵyn oiatýdy maqsat etedi.
1000 shaqyrymnan astam joldy eńserip, elordaǵa aman-esen jetken veloshabandozdar budan ári Aqmola oblysynyń Atbasar qalasyna aialdaityn bolady.
Aita keteiik, velosherýdiń saltanatty ashylý rásimi Óskemendegi Táýelsizdik monýmenti janynda ótip, sol jerden saparǵa shyqqan bolatyn. Qatysýshylar Shyǵys Qazaqstan, Abai, Pavlodar oblystary arqyly júrip ótip, Astanaǵa jetti. Alda olar Aqmola, Qostanai, Aqtóbe jáne Batys Qazaqstan oblystaryna at basyn burady. Velosherýge 236 veloshabandoz jáne Óskemendegi tehnikalyq jáne kásiptik bilim berý uiymdarynyń 200-den astam stýdenti qatysýda. Velosherý 8 maýsymda máresine jetedi dep josparlanyp otyr.
