Jalpy aımaqta 2018-2021 jyldar aralyǵynda arheologıa salasynda ǵylymı-zertteý jumystaryn damytý baǵdarlamasy qolǵa alynǵan.
Bul QR Tuńǵysh Prezıdenti N.Á. Nazarbaevtyń «Rýhanı jańǵyrý» baǵdarlamasy aıasynda qazaq tarıhyn zertteý jáne Qazaqstannyń mádenı murasyn keńinen nasıhattaý maqsatynda qolǵa alynǵan.
Altaı – kóshpendilerdiń tehnologıalyq damýyna jáne túrki áleminiń qalyptasýyna negiz bolǵan Eýrazıa órkenıetiniń dińgegi. Sondyqtan da halyqaralyq deńgeıdegi konferensıanyń dástúrli túrde Shyǵysta ótkizilý beker emes.
Jalpy, bıyl baǵdarlama barysynda otandyq jáne sheteldik ǵalymdardyń qatysýymen qazaq ultynyń mádenıetin, ózindik ulttyq kodyn saqtaý maqsatynda qolǵa alynǵan sharalardy ońtaıly sheshý kózdelgen.
Konferensıa barysynda el jáne sheteldik meımandar ózderiniń zertteý jumystarynyń nátıjelerin ortaǵa saldy. Túptep kelgende aýqymdy sharanyń dittegeni – halyqarylyq ǵylymı qaýymdastyqty óńirdiń arheologıalyq áleýetimen tanystyrýǵa negizdelgen.
Respýblıka boıynsha óńirdegi 13 qasıetti jer Qazaqstannyń kıeli nysandarynyń tizimine enip otyr.
Sondaı-aq, konferensıa qonaqtary «Úrjar hanshaıymy» jáne tanymal arheologtar Zeınolla Samashev pen Ábdesh Tóleýbaev júrgizgen arheologıalyq zertteýlerdiń nátıjesinde tabylǵan «Altyn adam» arheologıalyq rekonstrýksıa kórmesimen tanysty.
Ásirese, meımandardy Eleke sazy jáne Shilikti qorymdary, qazaqtyń ulttyq sándik-qoldanbaly kórmesi qyzyqtyrdy. Elge esimderi máshhúr sýretshi E. Sadyrbaev pen músinshi Iý.Kostanánstyń jumystary qoıylǵan kórmeni tamashalaýǵa kópshilik ynta bildirdi. Konferensıanyń ashylý saltanatynda alǵashqy bolyp sóz alǵan oblys ákiminiń orynbasary Ásem Núsipova:
– Shyǵys Qazaqstan Elbasy maqalasyna alǵashqylardyń biri bolyp belsendilik tanytqanyn, 2016 jyldan beri júrgizilgen ǵylymı zertteý jumystarynyń nátıjesinde Shyǵys óńirinde 25000 astam artefaktar tabylǵanyn, mundaı sensasıalyq jańalyqtar ejelgi mádenıetti ǵylymı turǵyda zertteýge múmkindik týǵyzdy, – dep atap ótti.
Sonymen qatar «Altaı – Tarbaǵataı qola dáýirinen erte orta ǵasyrǵa deıin» ǵylymı jobasynyń jetekshisi, tanymal arheolog Zeınolla Samashev óz baıandamasynda Eleke sazynda júrzilgen zertteý jumystarynyń nátıjelerine toqtalyp, ejelgi saq dáýiriniń mádenıeti týraly aıtyp ótti. Shara barysynda qonaqtar nazaryna Shyǵys Qazaqstan oblysyndaǵy arheologıalyq zertteýlerdiń nátıjeleri týrasynda jasalǵan fılmder usynyldy. Shet eldik ǵalymdardyń qatysýmen ashyq dárister oqyldy.
Ásem JUMAǴALIQYZY, Óskemen qalasy
Taǵy oqyńyz:
https://dalanews.kz/46269
