جالپى ايماقتا 2018-2021 جىلدار ارالىعىندا ارحەولوگيا سالاسىندا عىلىمي-زەرتتەۋ جۇمىستارىن دامىتۋ باعدارلاماسى قولعا الىنعان.
بۇل ق ر تۇڭعىش پرەزيدەنتى ن.ءا. نازاربايەۆتىڭ «رۋحاني جاڭعىرۋ» باعدارلاماسى اياسىندا قازاق تاريحىن زەرتتەۋ جانە قازاقستاننىڭ مادەني مۇراسىن كەڭىنەن ناسيحاتتاۋ ماقساتىندا قولعا الىنعان.
التاي – كوشپەندىلەردىڭ تەحنولوگيالىق دامۋىنا جانە تۇركى الەمىنىڭ قالىپتاسۋىنا نەگىز بولعان ەۋرازيا وركەنيەتىنىڭ دىڭگەگى. سوندىقتان دا حالىقارالىق دەڭگەيدەگى كونفەرەنسيانىڭ ءداستۇرلى تۇردە شىعىستا وتكىزىلۋ بەكەر ەمەس.
جالپى، بيىل باعدارلاما بارىسىندا وتاندىق جانە شەتەلدىك عالىمداردىڭ قاتىسۋىمەن قازاق ۇلتىنىڭ مادەنيەتىن، وزىندىك ۇلتتىق كودىن ساقتاۋ ماقساتىندا قولعا الىنعان شارالاردى وڭتايلى شەشۋ كوزدەلگەن.
كونفەرەنسيا بارىسىندا ەل جانە شەتەلدىك مەيماندار وزدەرىنىڭ زەرتتەۋ جۇمىستارىنىڭ ناتيجەلەرىن ورتاعا سالدى. تۇپتەپ كەلگەندە اۋقىمدى شارانىڭ دىتتەگەنى – حالىقارىلىق عىلىمي قاۋىمداستىقتى ءوڭىردىڭ ارحەولوگيالىق الەۋەتىمەن تانىستىرۋعا نەگىزدەلگەن.
رەسپۋبليكا بويىنشا وڭىردەگى 13 قاسيەتتى جەر قازاقستاننىڭ كيەلى نىساندارىنىڭ تىزىمىنە ەنىپ وتىر.
سونداي-اق، كونفەرەنسيا قوناقتارى «ءۇرجار حانشايىمى» جانە تانىمال ارحەولوگتار زەينوللا ساماشيەۆ پەن ابدەش تولەۋبايەۆ جۇرگىزگەن ارحەولوگيالىق زەرتتەۋلەردىڭ ناتيجەسىندە تابىلعان «التىن ادام» ارحەولوگيالىق رەكونسترۋكسيا كورمەسىمەن تانىستى.
اسىرەسە، مەيمانداردى ەلەكە سازى جانە شىلىكتى قورىمدارى، قازاقتىڭ ۇلتتىق ساندىك-قولدانبالى كورمەسى قىزىقتىردى. ەلگە ەسىمدەرى ءماشھۇر سۋرەتشى ە. سادىربايەۆ پەن ءمۇسىنشى يۋ.كوستانيانستىڭ جۇمىستارى قويىلعان كورمەنى تاماشالاۋعا كوپشىلىك ىنتا ءبىلدىردى. كونفەرەنسيانىڭ اشىلۋ سالتاناتىندا العاشقى بولىپ ءسوز العان وبلىس اكىمىنىڭ ورىنباسارى اسەم ءنۇسىپوۆا:
– شىعىس قازاقستان ەلباسى ماقالاسىنا العاشقىلاردىڭ ءبىرى بولىپ بەلسەندىلىك تانىتقانىن، 2016 جىلدان بەرى جۇرگىزىلگەن عىلىمي زەرتتەۋ جۇمىستارىنىڭ ناتيجەسىندە شىعىس وڭىرىندە 25000 استام ارتەفاكتار تابىلعانىن، مۇنداي سەنساسيالىق جاڭالىقتار ەجەلگى مادەنيەتتى عىلىمي تۇرعىدا زەرتتەۋگە مۇمكىندىك تۋعىزدى، – دەپ اتاپ ءوتتى.
سونىمەن قاتار «التاي – تارباعاتاي قولا داۋىرىنەن ەرتە ورتا عاسىرعا دەيىن» عىلىمي جوباسىنىڭ جەتەكشىسى، تانىمال ارحەولوگ زەينوللا ساماشيەۆ ءوز بايانداماسىندا ەلەكە سازىندا جۇرزىلگەن زەرتتەۋ جۇمىستارىنىڭ ناتيجەلەرىنە توقتالىپ، ەجەلگى ساق ءداۋىرىنىڭ مادەنيەتى تۋرالى ايتىپ ءوتتى. شارا بارىسىندا قوناقتار نازارىنا شىعىس قازاقستان وبلىسىنداعى ارحەولوگيالىق زەرتتەۋلەردىڭ ناتيجەلەرى تۋراسىندا جاسالعان فيلمدەر ۇسىنىلدى. شەت ەلدىك عالىمداردىڭ قاتىسۋمەن اشىق دارىستەر وقىلدى.
اسەم جۇماعالي قىزى، وسكەمەن قالاسى
تاعى وقىڭىز:
https://dalanews.kz/46269
