Sondai-aq, qala ákimne turǵyn úi kommýnaldyq sharýashylyǵy, meditsinalyq kómek alý boiynsha suraqtar qoiyldy. Atap aitsaq, Ilinka turǵyny A. Dosmaǵambetova kóshelerdi jaryqtandyrý boiynsha jumystardyń adal oryndalmaǵandyǵyn aitty.
– Joldy áli kúnge deiin asfalttaǵan joq, merdiger uiym jumystar aiaqtalatyn merzimdi atamai, ýaqytty jyljytýmen keledi, – dep atap ótti. Jumystardy oryndaýmen «Qulager» JShS merdigerlik uiymy ainalysady. Elorda ákimi Altai Kólginov aýdan ákimine osy máseleni baqylaýǵa alýdy tapsyrdy.
Ákimniń qabyldaýda erekshe qajettilikteri bar balalardy tárbielep otyrǵan otbasylardyń máseleleri boiynsha bastamashyl top ókilderi boldy. Budan buryn kezdesýde ońaltý kómegin kórsetý jaǵdaiyn jaqsartý jáne jasaý boiynsha 70-ke jýyq másele talqylandy. Suraqtardyń basym bóligi sheshilip, birshamasy boiynsha jumystar júrip jatqany málim boldy.
Qalada erekshe qajettilikteri bar azamattar úshin 2 ońaltý ortalyǵy, ippodrom bazasynda – ippoterapiiamen ainalysýǵa arnalǵan jabyq manej salynady.
Jańa turǵyn úi keshenderiniń birinshi qabattarynda emhana, balabaqsha, ońaltý ortalyqtary, politsiia pýnkti siiaqty áleýmettik nysandar ashylý máselesi de osy kezdesýde málim boldy.
Jyl basynan beri invataksi sany 22 mashinadan 46-ǵa deiin, eki ese artty. Bes jarym ai ishinde elorda ákimi Altai Kólginov qabyldaýǵa jazylǵan 650-den turǵynmen kezdesken. Osyǵan deiin qala basshysyna qoiylǵansuraqtardyń basym bóligi sheshilip, qalǵandary baqylaýǵa alynǵanyn aita ketýimiz kerek.
Sondai-aq, azamattardy qabyldaý aýdandyq ákimdikterde jáne «Januia» otbasy institýtyn qoldaý ortalyǵynda ótip jatyr. 11,4 myńnan astam keńes berildi, 3.5 myńnan astam másele sheshimin tapty.
