سونداي-اق، قالا اكىمنە تۇرعىن ءۇي كوممۋنالدىق شارۋاشىلىعى، مەديسينالىق كومەك الۋ بويىنشا سۇراقتار قويىلدى. اتاپ ايتساق، يلينكا تۇرعىنى ا. دوسماعامبەتوۆا كوشەلەردى جارىقتاندىرۋ بويىنشا جۇمىستاردىڭ ادال ورىندالماعاندىعىن ايتتى.
– جولدى ءالى كۇنگە دەيىن اسفالتتاعان جوق، مەردىگەر ۇيىم جۇمىستار اياقتالاتىن مەرزىمدى اتاماي، ۋاقىتتى جىلجىتۋمەن كەلەدى، – دەپ اتاپ ءوتتى. جۇمىستاردى ورىنداۋمەن «قۇلاگەر» ج ش س مەردىگەرلىك ۇيىمى اينالىسادى. ەلوردا اكىمى التاي كولگىنوۆ اۋدان اكىمىنە وسى ماسەلەنى باقىلاۋعا الۋدى تاپسىردى.
اكىمنىڭ قابىلداۋدا ەرەكشە قاجەتتىلىكتەرى بار بالالاردى تاربيەلەپ وتىرعان وتباسىلاردىڭ ماسەلەلەرى بويىنشا باستاماشىل توپ وكىلدەرى بولدى. بۇدان بۇرىن كەزدەسۋدە وڭالتۋ كومەگىن كورسەتۋ جاعدايىن جاقسارتۋ جانە جاساۋ بويىنشا 70-كە جۋىق ماسەلە تالقىلاندى. سۇراقتاردىڭ باسىم بولىگى شەشىلىپ، ءبىرشاماسى بويىنشا جۇمىستار ءجۇرىپ جاتقانى ءمالىم بولدى.
قالادا ەرەكشە قاجەتتىلىكتەرى بار ازاماتتار ءۇشىن 2 وڭالتۋ ورتالىعى، يپپودروم بازاسىندا – يپپوتەراپيامەن اينالىسۋعا ارنالعان جابىق مانەج سالىنادى.
جاڭا تۇرعىن ءۇي كەشەندەرىنىڭ ءبىرىنشى قاباتتارىندا ەمحانا، بالاباقشا، وڭالتۋ ورتالىقتارى، پوليسيا پۋنكتى سياقتى الەۋمەتتىك نىساندار اشىلۋ ماسەلەسى دە وسى كەزدەسۋدە ءمالىم بولدى.
جىل باسىنان بەرى ينۆاتاكسي سانى 22 ماشينادان 46-عا دەيىن، ەكى ەسە ارتتى. بەس جارىم اي ىشىندە ەلوردا اكىمى التاي كولگىنوۆ قابىلداۋعا جازىلعان 650-دەن تۇرعىنمەن كەزدەسكەن. وسىعان دەيىن قالا باسشىسىنا قويىلعانسۇراقتاردىڭ باسىم بولىگى شەشىلىپ، قالعاندارى باقىلاۋعا الىنعانىن ايتا كەتۋىمىز كەرەك.
سونداي-اق، ازاماتتاردى قابىلداۋ اۋداندىق اكىمدىكتەردە جانە «جانۇيا» وتباسى ينستيتۋتىن قولداۋ ورتالىعىندا ءوتىپ جاتىر. 11،4 مىڭنان استام كەڭەس بەرىلدى، 3.5 مىڭنان استام ماسەلە شەشىمىن تاپتى.
