– Meditsina qyzmetkerleri barlyq zamanda el qamyn oilaýmen boldy. Qazir de qaharmandar bolyp qala beredi. Olar myńdaǵan adamnyń janyn arashalap, sansyz saǵatyn kezekshilikte ótkizdi, ár patsient úshin kúresti. Ár patsienttiń naýqasy úshin júrekterin aýyrtty. Meditsina qyzmetkerleri qazirgi ózderi úshin qiyn kezeńde únemi janymyzda bolyp, qamqorlyq kórsetedi.
Lokdaýn kezeńi bárimizdiń esimizde. Sol ýaqytta qala aýmaǵynda blokbeketter ornatylyp, qalada júrýge shekteýler qoiyldy. Bul kezeńde densaýlyq salasynda aýyr salmaq tústi. Meditsina qyzmetkerleriniń qajyrly eńbegi men memlekettiń jedel qabyldanǵan sharalary arqasynda qala qalypty ómirine birtindep orala bastady.
Meditsina qyzmetkerleriniń iyǵyna túsken aýyr júkti eshkim umyta qoiǵan joq. Olar táýlikter boiy týǵandaryn kórmei, oqshaýlanyp ómir súrdi, betperdeni saǵattap sheshpegendikten, kelbetterinde sonyń izi bilinetin. Osyndai jaǵdaidyń qaitalanbaýy bárimiz úshin mańyzdy. Pandemiia jaǵdaiynan jyldam shyǵýyna árqaisymyz jaýaptymyz. Meditsina qyzmetkerlerine qanshalyqty júk túsetini bizge bailanysty.
Memleket basshylyǵy meditsina qyzmetkerlerin qoldaýǵa airyqsha kóńil bóledi. Prezidenttiń tapsyrmasymen densaýlyq saqtaý salasyn damytýdy jalǵastyramyz. Meditsina mekemelerin qosymsha qondyrǵylarmen jabdyqtap, jańa emhanalar men aýrýhanalardy salyp, jóndeý jumystaryn júrgizemiz, kezeń-kezeńimen jalaqyny ósiremiz, meditsina qyzmetkerlerine syiaqyny úzbeimiz, olardyń mártebesin kóteremiz, – dep jazdy elorda ákimi.
