– مەديتسينا قىزمەتكەرلەرٸ بارلىق زاماندا ەل قامىن ويلاۋمەن بولدى. قازٸر دە قاھارماندار بولىپ قالا بەرەدٸ. ولار مىڭداعان ادامنىڭ جانىن اراشالاپ, سانسىز ساعاتىن كەزەكشٸلٸكتە ٶتكٸزدٸ, ەر پاتسيەنت ٷشٸن كٷرەستٸ. ەر پاتسيەنتتٸڭ ناۋقاسى ٷشٸن جٷرەكتەرٸن اۋىرتتى. مەديتسينا قىزمەتكەرلەرٸ قازٸرگٸ ٶزدەرٸ ٷشٸن قيىن كەزەڭدە ٷنەمٸ جانىمىزدا بولىپ, قامقورلىق كٶرسەتەدٸ.
لوكداۋن كەزەڭٸ بەرٸمٸزدٸڭ ەسٸمٸزدە. سول ۋاقىتتا قالا اۋماعىندا بلوكبەكەتتەر ورناتىلىپ, قالادا جٷرۋگە شەكتەۋلەر قويىلدى. بۇل كەزەڭدە دەنساۋلىق سالاسىندا اۋىر سالماق تٷستٸ. مەديتسينا قىزمەتكەرلەرٸنٸڭ قاجىرلى ەڭبەگٸ مەن مەملەكەتتٸڭ جەدەل قابىلدانعان شارالارى ارقاسىندا قالا قالىپتى ٶمٸرٸنە بٸرتٸندەپ ورالا باستادى.
مەديتسينا قىزمەتكەرلەرٸنٸڭ يىعىنا تٷسكەن اۋىر جٷكتٸ ەشكٸم ۇمىتا قويعان جوق. ولار تەۋلٸكتەر بويى تۋعاندارىن كٶرمەي, وقشاۋلانىپ ٶمٸر سٷردٸ, بەتپەردەنٸ ساعاتتاپ شەشپەگەندٸكتەن, كەلبەتتەرٸندە سونىڭ ٸزٸ بٸلٸنەتٸن. وسىنداي جاعدايدىڭ قايتالانباۋى بەرٸمٸز ٷشٸن ماڭىزدى. پاندەمييا جاعدايىنان جىلدام شىعۋىنا ەرقايسىمىز جاۋاپتىمىز. مەديتسينا قىزمەتكەرلەرٸنە قانشالىقتى جٷك تٷسەتٸنٸ بٸزگە بايلانىستى.
مەملەكەت باسشىلىعى مەديتسينا قىزمەتكەرلەرٸن قولداۋعا ايرىقشا كٶڭٸل بٶلەدٸ. پرەزيدەنتتٸڭ تاپسىرماسىمەن دەنساۋلىق ساقتاۋ سالاسىن دامىتۋدى جالعاستىرامىز. مەديتسينا مەكەمەلەرٸن قوسىمشا قوندىرعىلارمەن جابدىقتاپ, جاڭا ەمحانالار مەن اۋرۋحانالاردى سالىپ, جٶندەۋ جۇمىستارىن جٷرگٸزەمٸز, كەزەڭ-كەزەڭٸمەن جالاقىنى ٶسٸرەمٸز, مەديتسينا قىزمەتكەرلەرٸنە سىياقىنى ٷزبەيمٸز, ولاردىڭ مەرتەبەسٸن كٶتەرەمٸز, – دەپ جازدى ەلوردا ەكٸمٸ.
