Astananyń burynǵy ákimi Altai Kólginov Estoniiadaǵy Qazaqstannyń Tótenshe jáne Ókiletti elshisi qyzmetine taǵaiyndalýyna qatysty túsinikteme berdi, dep habarlaidy Dalanews.kz Toppress.kz-ke sileteme jasap.
Jýrnalister Altai Kólginovten qoǵamda taraǵan “Estoniiaǵa elshi bolyp barý – saiasi jer aýdarý” degen pikirge qatysty oiyn surady.
“Siz qazir barlyq elshini renjittińiz. Elshi – halyqaralyq deńgeidegi asa jaýapty saiasi laýazym. Sondyqtan memleket maǵan osyndai senim artyp, elshi qyzmetin júktegenine qýanyshtymyn”, – dedi ol.
Burynǵy ákimge elorda basshysy qyzmetinde júrgen kezde prezident senimin aqtai aldy ma degen suraq ta qoiyldy. Jýrnalister elordadaǵy máselelerge bailanysty syn jii aitylǵanyn eske saldy.
“Astanada syn árdaiym bolǵan jáne bolady. Bul – zańdy qubylys. Prezident elordanyń damýyn jeke ózi qadaǵalaidy. Óitkeni Astana – elimizdiń bas qalasy, memlekettiń qaqpasy. Memlekettiń, Úkimettiń baqylaýy men syn aitýy qalypty jumys protsesine jatady. Syn aitylǵan jerde damý bar”, – dep jaýap berdi Altai Kólginov.
Aita keteiik, Altai Kólginov Astana ákimi qyzmetinen qalanyń aýyzsý tapshylyǵy kúsheigen tusta ketken edi. Birqatar aýdanda demalys kúnderi sý berýge shekteý qoiylyp, keiin resmi sý berý kestesi engizilgen. Bilik bul jaǵdaidy qalanyń shamadan tys tez ósýimen bailanystyrdy. Al vitse-premer qyzmetinde júrgen Kólginov sý daǵdarysyna qatysty “kináli adamdy izdeýdiń qajeti joq” ekenin aitqan.
Sonymen qatar qoǵam belsendileri ony núktelik qurylystarǵa jol bergeni jáne Taldykól kólder júiesiniń joiylýyna áser etkeni úshin aiyptaǵan. Al onyń ornyna kelgen ákim Jeńis Qasymbek Kólginovtiń jáne ózge de burynǵy ákimderdiń jumysyna baǵa berýden bas tartqan edi.
Eske salaiyq, 2024 jyldyń naýryzynda Prezident Qasym-Jomart Toqaev Altai Kólginovti Qazaqstannyń Estoniiadaǵy elshisi qyzmetine taǵaiyndaý týraly Jarlyqqa qol qoiǵan edi.
