استانانىڭ بۇرىنعى ەكٸمٸ التاي كٶلگٸنوۆ ەستونيياداعى قازاقستاننىڭ تٶتەنشە جەنە ٶكٸلەتتٸ ەلشٸسٸ قىزمەتٸنە تاعايىندالۋىنا قاتىستى تٷسٸنٸكتەمە بەردٸ, دەپ حابارلايدى Dalanews.kz Toppress.kz-كە سٸلەتەمە جاساپ.
جۋرناليستەر التاي كٶلگٸنوۆتەن قوعامدا تاراعان “ەستونيياعا ەلشٸ بولىپ بارۋ – ساياسي جەر اۋدارۋ” دەگەن پٸكٸرگە قاتىستى ويىن سۇرادى.
“سٸز قازٸر بارلىق ەلشٸنٸ رەنجٸتتٸڭٸز. ەلشٸ – حالىقارالىق دەڭگەيدەگٸ اسا جاۋاپتى ساياسي لاۋازىم. سوندىقتان مەملەكەت ماعان وسىنداي سەنٸم ارتىپ, ەلشٸ قىزمەتٸن جٷكتەگەنٸنە قۋانىشتىمىن”, – دەدٸ ول.
بۇرىنعى ەكٸمگە ەلوردا باسشىسى قىزمەتٸندە جٷرگەن كەزدە پرەزيدەنت سەنٸمٸن اقتاي الدى ما دەگەن سۇراق تا قويىلدى. جۋرناليستەر ەلورداداعى مەسەلەلەرگە بايلانىستى سىن جيٸ ايتىلعانىن ەسكە سالدى.
“استانادا سىن ەردايىم بولعان جەنە بولادى. بۇل – زاڭدى قۇبىلىس. پرەزيدەنت ەلوردانىڭ دامۋىن جەكە ٶزٸ قاداعالايدى. ٶيتكەنٸ استانا – ەلٸمٸزدٸڭ باس قالاسى, مەملەكەتتٸڭ قاقپاسى. مەملەكەتتٸڭ, ٷكٸمەتتٸڭ باقىلاۋى مەن سىن ايتۋى قالىپتى جۇمىس پروتسەسٸنە جاتادى. سىن ايتىلعان جەردە دامۋ بار”, – دەپ جاۋاپ بەردٸ التاي كٶلگٸنوۆ.
ايتا كەتەيٸك, التاي كٶلگٸنوۆ استانا ەكٸمٸ قىزمەتٸنەن قالانىڭ اۋىزسۋ تاپشىلىعى كٷشەيگەن تۇستا كەتكەن ەدٸ. بٸرقاتار اۋداندا دەمالىس كٷندەرٸ سۋ بەرۋگە شەكتەۋ قويىلىپ, كەيٸن رەسمي سۋ بەرۋ كەستەسٸ ەنگٸزٸلگەن. بيلٸك بۇل جاعدايدى قالانىڭ شامادان تىس تەز ٶسۋٸمەن بايلانىستىردى. ال ۆيتسە-پرەمەر قىزمەتٸندە جٷرگەن كٶلگٸنوۆ سۋ داعدارىسىنا قاتىستى “كٸنەلٸ ادامدى ٸزدەۋدٸڭ قاجەتٸ جوق” ەكەنٸن ايتقان.
سونىمەن قاتار قوعام بەلسەندٸلەرٸ ونى نٷكتەلٸك قۇرىلىستارعا جول بەرگەنٸ جەنە تالدىكٶل كٶلدەر جٷيەسٸنٸڭ جويىلۋىنا ەسەر ەتكەنٸ ٷشٸن ايىپتاعان. ال ونىڭ ورنىنا كەلگەن ەكٸم جەڭٸس قاسىمبەك كٶلگٸنوۆتٸڭ جەنە ٶزگە دە بۇرىنعى ەكٸمدەردٸڭ جۇمىسىنا باعا بەرۋدەن باس تارتقان ەدٸ.
ەسكە سالايىق, 2024 جىلدىڭ ناۋرىزىندا پرەزيدەنت قاسىم-جومارت توقاەۆ التاي كٶلگٸنوۆتٸ قازاقستاننىڭ ەستونيياداعى ەلشٸسٸ قىزمەتٸنە تاعايىنداۋ تۋرالى جارلىققا قول قويعان ەدٸ.
