Almaty politsiiasy "Sain kóshesindegidei qalanyń basqa kóshelerinde de jyldamdyqty shekteý engizile me?" degen suraqqa jaýap berdi, dep habarlaidy dalanews.kz Tengrinews.kz-ke siltep.
Almaty qalasy Politsiia departamentiniń ókili Saltanat Ázirbektiń aitýynsha, Sain kóshesinde jyldamdyqty saǵatyna 60 shaqyrymǵa deiin shekteý pilottyq rejimde engizilgen. Bul shara ázirge bir ǵana ýchaskede synaq retinde qoldanylyp jatyr.
Sain kóshesiniń Tóle bi kóshesinen Rysqulov dańǵylyna deiingi bóligi kezdeisoq tańdalmaǵan.
"Biz muny jol apaty kóp bolatyn ýchaskelerdi eskere otyryp jasap jatyrmyz. Taldaý jasaldy. Sondyqtan jol apattarynyń sanyn azaitý úshin osyndai ádisti qoldanyp jatyrmyz", - dep túsindirdi Saltanat Ázirbek.
Sonymen qatar, politsiia ázirge qalanyń basqa kóshelerinde osyndai jyldamdyq shekteýin engizý josparlanbaǵanyn málimdedi.
