Almatyda zeinetker áieldi telefon alaiaqtarynan qutqarýǵa kómektesken kýrer Nartai Esimhanov marapattaldy, dep habarlaidy dalanews.kz.
Kýrer tapsyrysty oryndaý kezinde zeinetker qatty qobaljyp turǵanyn baiqap, kúmándi jaǵdaiǵa bailanysty jetkizýdi toqtatyp, birden politsiiaǵa habarlaǵan.
Tekseris barysynda áiel alaiaqtardyń arbaýyna túsip, 3 myń AQSh dollaryn "tekserýge" beremin dep paketke salyp jibergeni anyqtaldy.
Kýrer der kezinde áreket etýiniń arqasynda qylmystyń joly kesilip, zeinetkerdiń aqshasy tolyq qaitaryldy. Azamattyq ustanymy úshin oǵan Almaty Politsiia departamentiniń bastyǵy Aidyn Qabdoldinov Alǵys hat pen estelik syilyq tabystady.
"Ájeidiń kózine qaraǵan sátte onyń qatty qorqyp turǵanyn túsindim. Ony shyn júrekten aiadym. Sol kezde óz anam esime túsip, "eger onyń ornynda anam bolsa she?" degen oi keldi. Sondyqtan birden politsiiaǵa habarlastym. Durys sheshim qabyldadym dep esepteimin", - dedi Nartai Esimhanov.
